Ofurrauðkan !

2008-08-12T00:59:00.001Z

Dagur whatever

2008-04-23T09:00:00.001Z

Mér líður óhreinni, og ég þarf varla að minnast á að ég segi hér með upp íslenskum ríkisborgararétti mínum.
Ég er ekki enn komin með leiðbeinanda og skólinn gefur mér engin svör, þess vegna eyddi í ég gærdeginum í sólbað, jarðaber og mojito. Ég hef engan rétt til að kvarta.

2008-04-18T12:53:00.000Z

Enn án leiðbeinanda. Veit ekkert í minn haus. Og með ljóta klippingu í þokkabót. Þar sem ég er í vondu skapi get ég alveg eins eyðilegt dag einhvers annars: Einhver af aðalpersónunum (samt engin af fjórum aðal) deyr í Sex and the City myndinni.

Dagur 30

2008-04-14T15:50:00.005Z

Nú spyr einhver:"Hvað er gangi? Fórstu í partí með Amy Winehouse og drapst í viku?" Nei, ekki er það svo gott, ég var í Póllandi og sú vika telst ekki með í ritgerðarskrifum.
Pólland var æði, lærði margt og mikið um Forum Theater og kynntist skemmtilegu fólki frá allskonar löndum. Varsjá, á hinn bóginn, sá ég ekki nema í mýflugumynd í eins og hálfstíma skokktúr með varsjáingi. Borgin er bæði ljót (sovétríkjaarkítektúr, skítug, mengun) og falleg (gamli bærinn). Við fórum einu sinni á galeiðuna í Varsjá, komust ekki inn á gaystaðinn sem við ætluðum að fara, en fórum á annan stað og guð minn góður hvað er skrítið að það megi reykja inni á stöðum. Er í alvörunni ekki liðið ár síðan reykingabannið kom? Bjórinn á barnum kostaði eitthvað í kringum tvöhundruð kallinn. Arna kom til mín daginn áður en við flugum til Póllands og ég gerði miskunnarlaust grín að hóstanum hennar því ég er ljót á sálinni. Auðvitað hefndi karmað sín og ég varð lasin og er núna með sama hósta og hún var með. Þar sem við vorum mestan tímann öll í einu herbergi og rugluðumst á vatnsflöskum hægri vinstri er kvefið hennar Örnu komið út um alla Evrópu núna.

Nú er ég komin í raunveruleikann aftur. Leiðbeinandinn minn er komin í óákveðið langt (með áherslu á langt) sjúkraleyfi og ég er þess vegna í limbói. Það að leiðbeinandinn er í sjúkraleyfi er víst voða mikið mál, og ekki bara fyrir mig heldur alla aðra sem hún er að leiðbeina. Ég reyni að láta það ekki á mig fá og held bara áfram að skrifa, svo kemur í ljós hvort að ég er gjörsamlega að steypa, í versta falli ver ég ritgerðina í haust.
Fór í ID korts leiðangur í dag, þar sem bankinn sagði við mig að ég þyrfti slíkt kort til að fá bankareikning (sem ég þarf þar sem ég er vinnandi kona). Var með öll gögn sem ég þurfti; passa, bostadbevis og þvottekta Svía til að sanna að ég er ég.
Eftir smá "Astrix og þrautirnar tólf"-lega skriffinsku var ég komin með bankareikning, og sænska vinkona mín með ID kort. Good enough for me.
"Við þurfum leigusamning", sagði bankinn, "en ég er með svona blað frá Skattverket, sem er næstum það sama", sagði ég. "Við verðum að fá staðfestingu frá skólanum", sagði bankinn, "en ég er með eitthvað svona stúdentakort, getið þið ekki bara tekið það gilt", sagði ég. Það virkar ágætlega að þykjast vera svolítið treg að fatta (og treg að fara).

***Póllandsmyndir á facebook***

Dagur 22

2008-03-28T23:06:00.005Z

Sumir segja að maður eigi ekki að velja uppáhaldsbók eða höfund til að skrifa lokaritgerð um, því að maður endi á því að fá ógeð á efninu. Í þetta skipti ákvað ég að hlusta ekkert á slíkt tal og velja eina af mínum uppáhaldsskáldkonum.
Af því sem ég hef séð á alnetinu hefur önnur bókanna sem ég ætla að greina alls ekki hlotið almannahylli.
Sumir eru á þeirri skoðun að bókina eigi frekar að lesa eins og ljóð en skáldsögu, þ.e. einbeita sér að tungumálinu en ekki spá of mikið í sjálfri formgerðinni. Það er í sjálfu sér gott og blessað, en svo eru þeir sem segja að það sé enginn söguþráður, að bókin sé of flókin. Ég sé þessa lesendur grýta bókinni óþolinmóðir í næsta horn og bölva höfundinum. "Hrumphf!"
Sjálf verð ég aftur á móti skotnari og skotnari í þessari bók með hverjum deginum, textinn er eins og völundarhús með leynidyrum og ormagöngum, og býður upp á sífellt fleiri túlkunarmöguleika.
Hvernig gengur ritgerðin segirðu? Tja...
Núna er ég á því stigi að þegar ég fer að sofa neitar hausinn á mér að sofna. Hver ógleymanlega snilldin á eftir annari lýstur upp í huga mér eins og ljósið af vita á óveðursnóttu, þangað til ég sofna. En það er einmitt málið með ógleymanlegar snilldir að daginn eftir eru þær gleymdar. Þess vegna spratt ég á fætur um daginn og hálfsofandi klóraði á blað break through-ið.
Morguninn eftir settist ég svo niður með kaffibollann til að reyna að þýða brjálæðingslegt párið:
reality" vs. cyber "reality" ---valdity of the narrative---complete eradication of bounderies --- shift in the narration and thus gendered---dissolving binary structures to--- alter ego, thereby underlining the medium itself!!!!!---.

Jahá. Ef einhver hefur hugmynd um hvað þetta þýðir....

(Páska)Dagur 16

2008-03-23T23:19:00.001Z

Páskadagur: Ekkert egg, ekkert lamb, rien de rien, en góður daginn engu að síður. Vorið hætti við að koma, og í gær var ískalt, svo kalt að manni verkjaði í fingurna og tærnar þegar maður var kominn inn og byrjaður að þiðna. Í sólinni pakkaði ég mér í risaúlpuna mína, vettlinga, sjal og húfu og fór í langan göngutúr í skóginum með ipodinn minn. Það sem maður gerir í staðinn fyrir að skrifa.
Meðfylgjandi er mynd af sænsku páskagóðgæti sem lítur út eins og kúkur í boxi.

Dagur 15

2008-03-22T14:03:00.002Z

Sól og smá snjór í Svíþjóðinni.
Eins gott að ég fór í talkennsku og eyddi heilum vetri í að læra að segja S, annars hefði þessi setning verið pinsam.


	Hvem er du i Mummidalen?
	Mitt resultat: Mummitrollet Du er Mummitrollet! Du er veldig nysgjerrig. Du får ofte nye venner og drar gjerne ut på eventyr.
	Ta denne quizen på Start.no

Dagur 14

2008-03-21T21:23:00.003Z

Jibbí! Loksins, LOKSINS er hann kominn, FÖSTUDAGURINN LANGI : jee the fuck haw!
Vonandi eru allir búnir stífkrampasprauta sig og sótthreinsa naglana sína, ég er að minnsta kosti búin að því. Good times and lolicopter.
Ritgerðin druslast áfram, óvenjulega skarphugsandi fór ég á bókasöfnin og náði í fuckt mikið af bókum áður en bókasöfnin lokuðu í fjóra daga. Með brjálæðisglampa í augum hrifsaði allar bækur sem ég sá áður en einhver annar næði þeim. Nú þarf ég að finna út hvernig ég kem stíloxunum og sjálfgengnum efnahvötum inn í ritgerðina. Bókin leit gáfulega út.

Dagur 10

2008-03-17T20:33:00.003Z

Helgin fór í kvef, aumingjaskap og skróp á Tegan og Söru tónleika. Mestum tíma varði ég undir tveimur sængum, drekkandi te, mókandi yfir Simpsons og borðandi nammi. Já, nammi gerir mann feitan, en ég segi eins og Tyra: Kiss my fat ass.

Ég horfði líka á fyrsta þáttinn af The Return of Jezabel James. Í haust uppgötvaði ég Gilmore Girls, varð hella húkkt og horfði á allar sjö seríurnar, og þess vegna hugsaði ég mér gott til glóðarinnar þar sem sama manneskjan stendur bakvið þessa þætti. Þar að auki leika Parker Posey og Lauren Ambrose aðalhlutverkin. Posey rokkar í Christopher Guest myndunum og ég var klikkað skotin í Ambrose í Six Feet Under. Kannski hafði ég of miklar væntingar, þátturinn var ömurlegur. Dósahláturinn kæfði allt sem hefði getað verið fyndið og hvorki Parker né Ambrose voru að gera sig,
Vegna þess að ég var haldin - eins og mamma sagði þegar ég skæpti heim - hinum hræðilega sjúkdómi kvefi, skrifaði ég ekkert um helgina. Ekki fyrr en á sunnudagskvöld en þá upplifði ég líka allt í einu svona "aha", ljósapera fyrir ofan hausinn augnablik. Mig grunar að hnerrakastið hafi losað um einhverja stíflu í hausnum á mér.
Það gerir ritgerðarskrif auðveldari ef að maður fattar um hvað maður er að skrifa. Í dag henti ég upp efnisyfirliti með tólf köflum og undirköflum, og hafði þá loksins kjark til að hafa samband við leiðbeinandann minn. Ég þarf að tala við hana til að vita hvenær lokaskil og vörn eru, og þá veit ég betur hvenær ég get farið heim, og þá get ég farið að hugsa út í sumarvinnu.
Vonandi kemur andinn yfir mig á morgun og ég skrifa eins og mófó.

Dagur 6

2008-03-13T20:58:00.002Z

B. Hakama og spúsi eignuðust í gær lítinn púka og heilsast móður og barni vel eftir því sem ég best veit. Ef heimþráin var mikil fyrir þá tekur hún út yfir allan þjófabálk núna.

Þessi dagur byrjaði með því að ég hrökk upp við einhvern hávaða og vissi ekki hvar í veröldinni ég var. Hávaðinn sem vakti mig voru frændsystkyni mín í ramma að detta af veggnum. Ég sofnaði ekki uppúr því og ákvað að fara á fætur, hress eftir fjögurra tíma svefn og eilítið timbruð. Ég trúi á forlög.
Bróðurpartinum úr deginum eyddi ég svo í að leita upp heimildir á netinu fyrir Ritgerðina og undirbúa kennslu kvöldsins. Ég hafði minni en enga löngun til að fara að kenna, dauðþreytt og andlaus á alla vegu, en svo endaðu tímarnir á að vera frábærir. Allir rosa jákvæðir og glaðir með verkefnin sem ég hafði föndrað handa þeim, sem gengu út á að láta þau blaðra sem mest. Færri en venjulega í byrjendahópnum og æðisleg stemming. Píndi þau til að taka undir í "Kalla litla könguló" og gera hreyfingarnar með, og spurði svo "vad säger ni, känner ni er masokistiska i dag?" og þegar þau svöruðu játandi lét ég þau lesa og leiðrétti miskunnarlaust.
Nú er ANTM að dánlódast og ég vona að ég lognist ekki út af áður en það klárast.

Ps. Sá íkorna í dag.

Dagur 4

2008-03-11T21:50:00.006Z

"I am not wherever I am the plaything of my thought; I think of what I am where I do not think to think."
Svo mælti Lacan, því hið Cartesíska "ég hugsa, því er ég" var bara of leim fyrir 20. öldina.

Ritgerðarskrifin hafa gengið frekar dræmt þar sem ég fékk verkefni aftur í hausinn sem ég skilaði fyrir löngu síðan. Þar átti ég að greina leikrit Söruh Kane útfrá kenningum Barböru Freedman og Jacqueline Rose. Ég reyndi mitt besta en gafst upp á endnum og skilaði inn allt of stuttum texta þar sem ég útskýrði að ég gæti ekki greint leikritið þar sem það væri varla leikrit, og kenningarnar væru óskiljanlegar með öllu. Hefði átt að vita að hreinskilni er ekki besta leiðin.
Þar sem að fjárhagurinn minn veltur á þessu eina, bjánalega 700 blaðsíðna verkefni hætti ég mér aftur inn í frumskóg sálgreiningarinnar. Ég valdi annað verk eftir Kane sem var mun viðráðanlegra og þóttist eins og ég skildi eitthvað í þessum kenningum um sjálfið og gaze-ið og lúkkið og hvað þetta bull nú allt heitir. Freud minn rass!
Ég er mjög anal á þögn þegar ég les og er búin að bægslast við að finna mér Þjóðarbókhlöðu í þessu villimannalandi. Á skólabókasafninu lætur fólk eins og apar, talar í síma í tíma og ótíma, og við hvert annað í hópavinnum. Á Stadsbibliotekinu er ástandið aðeins skárra, en samt finnst fólki heldur ekkert að því að tala í síma þar, og ég virðist alltaf lenda við hliðinni á stelpunni með nammi í 7/11 bréfpoka sem á fimmtán vinkonur sem koma og tala við hana um Melodifestivalen á þriggja mínútna fresti.
Í örvæntingafullum bókaveiðum rambaði ég svo inn á Konunglega bókasafnið. Þar er heragi og þögn, og til að kóróna allt saman skópússivél! Nú gæti einhver kjáni spurt hversvegna ég læri ekki heima hjá mér, en það heppnaðist síðast 2001. Það er allt of margt heima hjá mér sem er meira spennandi en að lesa, eins og að eyða einum og hálfum tíma í að búa til hádegismat, ryksuga, endurhorfa á ANTM og lesa svo recap, skipuleggja allt skóladótið mitt og vera þá orðin svo þreytt að ég verð að leggja mig.
Eini gallinn við hið Konunglega er loftið, sem er blýþungt. Judith Butler heldur þvi fram að sársaukafull fjarlægð frá daglegu máli og viðteknum málfræðireglum sé hluti af fræðimennsku, ég held því fram að vera tíu mínútum frá yfirliði sé hverri ritgerð hollt.
Ritgerðin lufsast áfram, ég er byrjuð að lesa yfir bækurnar sem ég ætla að greina og pikka út hvar lykilhugtökin er að finna.
Kalt mat, skilaði inn leiðindaverkefni dauðans og var boðin í veganmat: Ágætis dagur.

Dagur 1

2008-03-08T23:08:00.003Z

Jæja, nú er komið að því. Fyrir utan tvær ritgerðir er ég búin í kúrsum, og löngu kominn tími til að ég byrji á riterðinni minni. Ritgerðinni, með stóru R-i, 50 blaðsíðna meistaraverk.

Ég trúi því staðfastlega að maður eigi alltaf að hjálpa fólki að flytja (eins leiðinlegt og það nú er) þar sem það gefur manni þúsund góð karmastig. Þar að auki getur maður grætt hluti sem fólk þarfnast ekki lengur, og einmitt þannig öðlaðist ég forláta skrifborðsstól á hjólum. Ég tek fram að hann er á hjólum, því þegar ég var að ferja hann heim til mín í lestinni fannst mér mjög sniðugt að sitja á honum. Það var ekki sniðugt.
Þegar stóllinn var kominn heim í hús sá ég að skrifborðið var á kolröngum stað og snéri öllu herberginu við þannig að skrifborðið (og stóllinn) væru við gluggann og ég gæti notið vorsólarinnar við skriftirnar. Nú er vinnuumhverfið komið og bara að demba sér í óhóflega kaffidrykkju, efasemdir um námsval og örvæntingu.
Í dag átti að vera fyrsti dagurinn sem ég myndi skrifa af alvöru, en í staðinn fór ég á ráðstefnu um stöðu sögunnar í bókmenntafræði. Þar hlustaði ég á misáhugaverða fyrirlestra meðal annars um Berthold Brecht í útlegð, raunsæji og miðla í Suður-Afríku, hinsegin gotik Karen Blixen og bókmenntafræði og varðveislu (arkivering).
Sú sem að hélt fyrirlestur um Tornedalsfinnskar bókmenntir notaði power point og gott ef mér vöknaði ekki um augu. Power point hef ég ekki séð síðan ég kom til þessa lands, og tölvur eru yfirhöfuð sjaldséð sjón í bókmenntafræðistofnuninni. Ég hef heyrt þá skoðun að power point geri fólk latt. Ég er sammála því, power point auðveldar lífið. Skrift gerir það líka, en eigum við þá að sleppa öllum prentuðum texta og læra allt í söngformi?
Sumir fyrirlestranna fóru alveg fyrir ofan garð og neðan hjá mér. Það skiptir máli hvernig fólk talar sænskuna, hvort það er óskýrmælt eða lágmælt eða talar mállýsku. Ég á ofboðsleg bágt með mig þegar fók talar skánsku, bæði skil ég ekkert hvað það segir og svo finnst mér hún ægilega ljót, einhverskonar skrollhljóð. Ræddi þetta við mömmu sem sagði að hún og pabbi hefðu einmitt verið eins í byrjun, en endað á að finnast hún undurfalleg. Tók ekki nema níu ár.
Einn maður talaði finnasænsku, og hana þykir mér vænt um því ég skil hana svo vel. Maðurinn, stór með mikla bumbu og svart skegg og ansi líkur Pavarotti áður en hann varð gamall, vildi áreiðanlega komast sem fyrst af sviðinu. Hann leit aldrei upp úr blaðinu og þó svo að hann læsi ekki of hratt virti hann engar stöðvunarskyldur. Það merkilega var að eftir á, þegar hann svaraði spurningum úr sal, var ekki feimni að sjá á honum. Hann gerði að gamni sínu og salurinn veltist um af hlátri.
Það varð því lítið úr ritgerðarskrifum í dag, þó klúðraði ég saman einni og hálfrar blaðsíðu research proposal, útlistun á hvaða vanda ég ætla að leysa, hvað hefur nú þegar verið gert, hvað hefur ekki verið gert, hvað ég ætla að gera og hvernig og hvers vegna verkefnið mitt er mikilvægt.
Það er ekki mikið, en altént byrjun.

Texti sem böggar mig

2008-02-14T23:19:00.000Z

Peter, Paul og Mary hljóma notalega folksy og krúttaraleg, en svo ef að maður fer að hlusta á textana, tja...

Don´t think twice

Walking down that long lonesome road, Girl
Where I'm bound, I can't tell
Good-bye is too good a word, Girl
So I'll just say Fare thee well
Well I ain´t saying you treated me unkind
You could've done better, but I don't mind
You just sort of wasted my precious time
Don't think twice, it's all right

Vó talandi um passíft agressíft!

10. desember

2007-12-15T00:00:00.000Z

Blómið í dagatalinu mínu minnir mig á að einu sinni var hlýtt og bjart og blómin blómstruðu. Nú er kalt, dimmt og ógeðslegt. Var ég búin að segja kalt? Svo kalt heima hjá mér að ég sef með tvær sængur og kveiki á fimmtán sprittkertum til að búa til smá hita.
Það er best að berjast ekki á móti, heldur hita sér te, kaupa svívirðilega mikið af nammi og horfa á bestu jólamyndina EVER. Tvisvar, og svo einu sinni með commentary.

9. desember

2007-12-14T23:33:00.000Z

Vasaljós. Whatever. Ég er hætt að láta jóladagatalið ráða lífi mínu.
Drakk glögg með íslenskum námsmönnum í Stokkó og nartaði í hangikjöt. Á mínu heimili hefur hangikjöt ekki verið á borðum á jólunum sjálfum en í laufabrauðinu með stórfjölskyldunni eru yfirleitt fimm ólík afbrigði af því. Jú, ég finn mun á birkireyktu og öðruvísi reyktu og sauð og ær, en fyrir mér kemst hangikjöt ekki með tærnar þar sem saltkjöt er með hælana. Glögg aftur á móti er eitt af því yndislega við aðventuna, sérstaklega með piparkökum, en á hverju ári fæ ég sterkari og sterkari löngun til að smakka eggnog. Læt verða af því um þessi jól.

8. desember

2007-12-13T22:40:00.000Z

Óóóókei, mús með kerti í annari loppu og töflu í hinni sem á er rituð talan 10. Múses og boðorðin 10?
Of súrt. Það er sérstakt að vera annars staðar en á Íslandi um jól því að þá heyrir maður ekki jafn mikið af jólalögum. Ég er ekki bara að meina íslensk jólalög, á Íslandi finnst mér alltaf, allstaðar, allan desember, vera jólatónlist - of mikið.

Sem betur fer er ég með af créme de la créme af jólalögum á tölvunni minni.

7. desember

2007-12-13T22:19:00.000Z

Í dag var kerling á froski í dagatalinu mínu, sem hefur áreiðanlega eitthvað að gera með jóladagatalssöguna. Sagan heitir Teskedsgumman (teskeiðarkerlingin) og er flutt í útvarpinu á hverjum degi, frá fyrsta til tuttugasta og fjórða desember. O jæja, það er ekki enn of seint að ná sögunni, allt finnst á netinu.
Ég og kirsuberjaprinsinn brugðum okkur bæjarleið, og nú er blessaður drengurinn fataður upp til næstu ára.
Ég aftur á móti fann einn skitinn (nei ekki skitinn, voða fallegan) hárauðan jólakjól.
Svo fengum við okkur jólasushi, besta sushið sem ég hef fengið í þessari borg á Götgatan beint á móti Slussen.

6. desember

2007-12-12T13:33:00.000Z

Í dagatalinu í dag var bók sem á stóð "Naturlära" og mynd af íkorna. Íkornar minna mig alltaf á leikkonuna Amy Sedaris sem safnar uppstoppuðum slíkum og saumar á þau föt. Amy er systir rithöfundarins David Sedaris, og hann skrifaði einmitt Holidays on Ice, sem er er gróteskt og fyndið jólasmásagnasafn sem ég held að ég panti snöggvast af Amazon. Jólijól.

5. desember

2007-12-10T23:51:00.000Z

Í dagatalinu í dag voru þrjú einhverskonar kvikindi. Ekki hugmynd hvað þetta á að vera. Á jólamarkaðnum í Gamla stan gerði ég heiðarlega tilraun til að kyssa undir mistilteini, en mér og kirsuberjaprinsinum fannst það eitthvað svo óeðlilegt og ógeðfellt að ekkert varð úr því.
Í wikipedia stendur að mistilteinn sé sníkjuplanta sem lifir á trjám og getur í miklu magni drepið tréið. Samkvæmt mistilteinsreglum þurfa tvær manneskjur sem mætast undir mistilteini að kyssast. Ég hengdi upp mistiltein í eldhúsinu og bíð í ofvæni eftir að ástin blómstri/allt leysist upp í orgíu.

4. desember

2007-12-06T19:31:00.000Z

Í dag var köttur í jóladagatalinu mínu og þá varð mér hugsað til jólakattarins, einnar ágætustu uppfinninga til að réttlæta fatakaup. Fór út og keypti þrjá kjóla.

Ef ég hefði verið heima hefði ég farið á femínistahitt og boðið fullt af pening í jólakúlurnar hennar Tinnu, enda rann ágóðinn til góðs málefnis.

3. desember

2007-12-03T21:09:00.000Z

Í dag var jólastjarna í dagatalinu.
Heilaþvegin hlýddi ég og keypti jólastjörnu í ICA.

2. desember

2007-12-02T18:31:00.000Z

Í glugganum í dag var kaffibolli, sem átti alveg ofboðslega vel við þar sem mig var búið að dreyma um síðustu daga að fara á uppáhaldskaffihúsið, kaffi Edinborg í gamla bænum, og þar ætlaði ég að fá mér yndislegan sojalatté og byrja að skrifa verkefni um karllæga augnaráðið hennar Lauru Mulvey.
En eins og skáldið sagði: "The best laid schemes o' Mice an' Men, Gang aft agley" og í staðinn fyrir að skriftir og sojalatté beið mín badminton og pizza.
Þegar ég kom heim fékk ég mér instantkaffi (sem er, eins og herfan á ballinu: "eitthvað annað sem gerir sama gagn"). Draumurinn um sojalatté verður að rætast annan dag.

Ef ég væri heima hefði ég farið niður á Austurvöll og séð þá kveikja á trénu.

1. desember

2007-12-01T15:27:00.000Z

Í dag opnaði ég fyrsta gluggann í dagatalinu mínu og þar blasti við mér pönnukaka og því ákvað ég að það væri góð hugmynd að steikja pönnukökur. Fyrst ætlaði ég að kaupa allt hráefnið í þær og búa þær til frá grunni eins og góð hausfrau, en svo fattaði ég að þar sem ég á ekkert bökunarlegt í eldhússkápunum mínum yrði of dýrt að kaupa allt í litlu kampusbúðinni minni, og ferð í ódýra súpermarkaðinn tekur tvo tíma. Þá ákvað ég að kaupa tilbúið pönnukökumix. Auðvitað var það ekki til þannig að ég keypti vöfflumix í staðinn. Til að gera langa og frekar óspennandi sögu stutta naut ég vöffukakanna í tætlur og fylgdist með bjánatríóinu sem ég bý með búa til sundlaug í stofunni okkar meðan ég át þær.
Ef að ég væri heima myndi ég fara og fá pönnukökufixið mitt í alnæmissamtökunum og fara síðan í blysgöngu til að minnast þeirra sem hafa dáið úr alnæmi.
Mórallinn í þessari sögu er að það er hættulegt (en líka pínu fyndið) að tappa loftið úr ofnum, og að pönnukökubakstur og át eru góð leið til að skrifa ekki verkefni um metafórur sem er svo mikið á deadline að það sér ljósið og heyrir ástvini kalla á sig hinum megin frá.

Vei

2007-10-25T12:27:00.000Z

Sjáið hvað sænska stelpan skrifaði á þessa síðu.

"Þvættingur!"

2007-10-24T17:21:00.000Z

sagði presturinn. Þetta: kætir mitt hermeneutíska nördahjarta.

I cant believe it's not Butler

2007-10-23T12:16:00.000Z

"If Butler could be persuaded to regard the question "What is a lesbian?" as one worh answering, she might respond that "a lesbian is the incoherence of gender bianirism and heterosexuality condensed to the point of parody."

Warner, Michael, "From Queer to Eternity: An Army of Theorists Cannot Fail", Village Voice Literary Supplement June, pp. 18-19: 19

Þessi setning...

2007-10-23T12:13:00.000Z

...hefði fríkað mann út 1983: "Nei sorrí, ég veit ekki hvað klukkan er, síminn minn er dauður."

2007-10-06T20:29:00.000Z

Mig langar ekki að búa í Svíþjóð lengur.

2007-09-18T17:21:00.001Z

9AM ... But No

Ancient lesbian waitress: You ever tried to buy dental dams at three A.M. in the Bible belt?
Wide-eyed teen bus boy: Uh... I have sooo many questions about what you just said...

Circle Centre Mall
Indianapolis, Indiana

Overheard by: Shatmandu

via Overheard in the Office, Sep 13, 2007

Fyndið?

2007-09-12T18:35:00.000Z

Ég er algjörlega á þeirri skoðun að kynlífi beri að fylgja góður skammtur af húmor. Hversu leiðinlegt væri ef að það að annar aðilinn dettur út úr rúminu myndi eyðileggja allt saman? Þarf það að vera endir alheimsins að fatta að sambýlingurinn hefur setið í næsta herbergi allan tímann og heyrt allt, og er það svo hræðilegt þegar andlit gluggaþvottamannsins birtist skyndilega í glugganum?
Að því sögðu, það er samt takmörk hversu mikið af fyndni ég afber í svefnherberginu (eða hvar í dauðanum ég er at the time).

COSMOPOLITAN
September issue

The female condom makes a great sex toy! It´s made with flexible rings at either end: the outer ring, which is outside your body is good for rubbing the clitoris and the inner ring fits inside your body. Some men say that when they're inside a woman, they bump up against it and it tickles them.
The female condom makes a funny squishy sound when you're having sex, which adds to the fun.

Skeiv, skeiv, skeiv...

2007-07-07T22:18:00.000Z

Ég fór til Osló á hinsegin daga (skeive dager).
Það var sjúkó gaman og hér erumyndir

Vondar ákvarðanir

2007-06-26T17:30:00.000Z

Þetta virðist ekki ætla að vera sumar andlegs þroska eins og ég vonaði, frekar sumar vondra ákvarðana og mikilla tannburstakaupa.
Önnur vonda ákvörðunin var sú að vinna úti og með unglingum.
Það, hélt ég, yrði gefandi og þar að auki myndi ég fá sól á nefið. Það kom frekar fljótt í ljós að þrátt fyrir að unglingar geti verið alveg hreint æðislegir þá fer það illa með sálina á mér að nöldra marga tíma á dag: “Þið fáið ekki borgað fyrir að liggja á maganum…verkfærin eru til að nota þau…hættið að vera óþolandi! etc.”
Vegna fötlunar minnar (rauðhærðnin) fékk ég ekki sætar freknur og heilbrigðan brúnan lit, ó nei, ég varð eins og tómatur í framan, og varð kölluð lava girl þegar ég fór að flagna.

En ég tók góða ákvörðun, og sagði upp vinnunni.*

Þegar ég sagði fólki frá því að ég væri óhamingjusöm í vinnunni og ætlaði að segja upp voru margir til að lýsa hróðugir yfir: “þetta sagði ég!”, sem var bull og vitleysa. Enginn sagði neitt annað en “ertu alveg viss?”

Þegar ég tók seinni vondu ákvörðunina sögðu vinir og fjölskylda: “Það er rosalega vond hugmynd. Ekki gera það.”
En hlustaði ég? Ekki aldeilis.

*Angist og panikk tók við í nokkra daga, en fyrir einhverja lukku fékk ég nýja vinnu eins og skot.

Framtiðin

2007-06-20T12:21:00.000Z

"Välkommen till masterprogrammet i litteraturvetenskap i höstteminen 2007"

Sem þýðir það að ég flyt út eftir tvo mánuði circabout. Humm.

...gaman að þesu...

Hell yeah!

2007-06-18T19:44:00.000Z

From the mouths of babes

2007-06-14T21:11:00.000Z

Um daginn fór ég á skólafund og talaði við nemendur í sjöunda bekk. Börnin höfðu skrifað spurningar á blaðsnepla sem við svöruðum af hreinskilni og á mjög PC hátt. Þetts eru óPC svörin. Stafsetningar- og málfræðivillurnar eru barnanna.

1)
Heldurðu að fólk taki alltaf eftir því að þú sért samkynhneigð(ur)?
Nei ég held ekki. Kannski smá þegar ég hleyp niður Laugaveginn sveipuð regnbogafána og engu öðru öskrandi "I´m the only gay in the village!" Semsagt alla mánudaga og fimmtudaga.

2)
Finnst þér vera horft/hvíslað um þig þegar þú ert á almannafæri?
- Já, alltaf. Það er kallað vænissyki.

3)
Hvernig ætti maður að bregðast við ef að vinur eða vinkona manns segðu manni að þau væru samkynhneigð?
- Hlaupa í burtu. Langt langt í burtu.

4)
Voruð þið alltaf hrifin af hinu kyninu?
Eh nei? What with the gay thing?

5)
Er leiðinlegt að vera kallaður hommi?
- Mér myndi finnast það fyndið aðallega.

6)
Var þér strítt útaf samkynhneigðinni?
- Mér er strítt út af samkynhneigðinni. En ég býð líka upp á það.

7)
Er mikið af fólki með fordóma? eða bara leiðinlegt eða synir ykkur dónaskap eða óviðkomandi hegðun?
- Já það er alltof mikið af fólki með fordóma, en ég hef ekki sérstaklega orðið fyrir fordómum vegna samkynhneigðar. Að sama skapi er fult af hundleiðinlegu dónalegu fólki, en ekki sérstaklega í garð samkó fólks.

8)
Er erfitt að segja nánustu vinum og fjölskyldu að vera samkynhneigður?
-"Mamma, vertu samkynhneigð!"
(Vitlaust orðuð spurning)

9)
Hvernig á maður að bregðast við ef vinur manns er allt í einu samkynhneigður?
- Púff, samkó!! tíhíhí...sjá svar 3.

10)
Ef maður er samkynhneigður hvenær ætti maður að segja frá því?
- Það eru skiptar skoðanir um það. Sumir eru hrifnir af þeirri aðferð að lýsa yfir samkynhneigð sinni í stórum fjölskylduatburðum, fermingu til dæmis. Þá er gott að standa uppi á borði og lýsa yfir skýrri röddu: "Ég er hommi/lessa!". Ekki skaðar að vera pínu í glasi líka. Önnur leið er að snúa sér að brúði sinni/brúðguma sínum og segja undurblíðri röddu: "elskan, ég held ég sé hommi/lessa".

11)
Hvenær heldurðu að flestir komi úr skápnum?
- Kannski á þessum degi: http://en.wikipedia.org/wiki/Coming_out_day?

12)
Ef þú ert samkynhneigð/ur hvoru hlutverkinu gegnir þú karlmannhlutverkinu eða kvenmans?
- Þessi spurning undirstrikar tvenndarhyggju varðandi kyngervi. Ef pabbinn vaskar upp, prjónar eða plantar blómum, er hann þá orðin konan í sambandinu? Hvað eru karllegir eiginleikar eða kvenlegir?
Annað svar við þessari spurningu er að í lesbísku sambandi er ekki pláss fyrir karl. Það er nokkurn veginn pælingin.

14)
Hvernig bregst maður við þegar maður fattar að maður sé samkynhneigður?
- Neineinei!...Fooookk...Hmm ókei?...VÚHÚ !!!!!!! :)

2007-05-31T12:22:00.000Z

Ég er ekki viss um að forseti Íslands komi í hvert skipti sem starfsmaður hættir, en hei, ég er ekki að kvarta!

2007-05-31T11:36:00.000Z

Þar sem ég hjólaði á fína dýra hjóli mömmu minnar með dvd-spilarann minn og vídjótækið í tösku á öxlinni og kaffikönnuna í poka á stýrinu hugsaði ég með mér: "Ef að það verður keyrt á mig núna lítur þetta úr eins mest leim tryggingasvik í heimi."

Sítrónur

2007-05-25T11:43:00.000Z

Svooo fínt myndband og textinn lét mig langa ofboðslega mikið í kærustu og á sama tíma verða úrvinda af tilhugsuninni um að vera í sambandi.

"My fingertips are holding onto the cracks in our foundation,
and I know that I should let go,
but I can't.
And everytime we fight I know it's not right,
everytime that you're upset and I smile.
I know I should forget, but I can't."

Brönsj...

2007-05-11T11:55:00.000Z

...er hið fullkomna boð. Síðasta sunnudag bauð ég til mín ágætis fólki í brönsj-Gray Cat style. Fyrir þá sem ekki vita þýðir það nóg af brösuðu dóti; beikon, amerískar pönnukökur, egg á alla vegu (spæld, hrærð, over easy...) fyrir utan náttúrulega beyglur með tilbehör.
Brönsj hentar öllum, í boðinu var meðal annars fólk sem var á kafi í prófum, sem var heltimbrað, sem var enn í náttfötum og sem var í fríi og ótimbrað á sólríkum sunnudegi. Afslappelsi og notalegheit.
Það hefði verið skemmtilegra ef að kaffikannan mín hefði ekki bráðnað en hugmyndaríkt fólk bjargaði uppáhellingu þó, og þó svo að ég nái steikingalyktinni líklegast aldrei úr íbúðinni var það vel þess virði. Mmm amerískar pönnsur...

Gayrose place

2007-05-05T01:44:00.000Z

Um daginn hringdi maður frá ónefndu dagblaði í mig. Hann vildi grennslast fyrir um orðróm sem hann hafði heyrt, sem var á þá vegu að samkynhneigð pör ættu erfiðara með að fá íbúðir á stúdentagörðum en gagnkynhneigð pör. Ég hafði aldrei heyrt um þetta áður og kannaði málið. Enginn af þeim sem ég talaði við kannaðist við þetta og tilkynnti ég manninum það.
Ein ágæt kona stakk samt upp á við mig (of seint að vísu) að ég myndi gera risa fjölmiðlamál úr þessu og krefjast þess af stjórnvöldum að þeir myndu reisa sérstaka gay stúdentagarða, þar sem við kæmust augljóslega ekki inn í venjulegu garðana.
Þannig myndum við eignast okkar eigin gay Melrose Place, endalaust dyke- og drottningadrama. Allir myndu byrja og hætta með hverjum öðrum, partíin væru fabjúlus og að sjálfsögðu værum við með sundlaug.

Leiðinlegt hvernig góðu hugmyndirnar koma stundum aðeins of seint

Móno-samband:

2007-05-03T11:20:00.000Z

Samband þar sem annar aðilinn er ekki meðvitaður að hann er í sambandi, eða jafnvel þekkir ekki hinn aðilann í sambandinu. Hægt er að vera í pólíamorísku mónó-sambandi.

Ó já...

2007-04-27T10:00:00.000Z

...þetta bætir og kætir mitt geð.

Hatur hatur hatuuuuur

2007-04-19T23:30:00.000Z

Ég hata strætó. Haaaataaaaaa!
Á yndislegum sumardeginum fyrsta tek ég fyrstu vondu ákvörðun sumarsins. Ég horfi á fallega hjólið mitt, og segi við það "nei, ég held ég verði bara labbandi í dag". Svo kyssi ég það bless og með sól í hjarta labba af stað. Þegar ég er komin nokkuð áleiðis uppgötva ég að ég er orðin sein fyrir, en þar sem ég er rétt hjá Hringbrautinni þar sem sex strætóar stoppa ákveð ég að skella mér bara upp í næsta sem á leið hjá. Næsti vagn átti mér til nokkurrar gleði að koma eftir fimm mínútur. Tuttugu og fimm mínútum seinna kom vagn. Tuttugu og fimm fokkíng mínutur! Dauði og drepsóttir.
Daginn þar á undan var ég á hjóli, en hafði verið lengur í viðtali en ég hélt og þurfti að komast á fræðslufund í Versló. Því ákvað ég að hoppa með hjólið upp í strætó. Ég spyr vagnstjórann hvort hann geti opnað að aftan og hann muldrar eitthvað. "Afsakið?" spyr ég og þá endurtekur hann "hvers vegna eruð þið yfirleitt á hjólum ef þið takið svo bara strætó?". Ég horfði á hann ísköldu augnarráði og sagði "ég ansa ekki svona", snérist á hæli og svo stóðum við móðguð saman, ég og hjólið. Ég hreytti ekki í hann "fyrirgefðu, en stendur ekki skýrum stöfum á vagninum "Við tökum hjólin að aftan??"* heldur stillti mig um það, undarlegt nokk. Kannski verður þetta sumar andlegs þroska?

*Sem er náttúrulega ógeðslega fyndið.

kæróleysispilla

2007-04-18T00:09:00.000Z

Á ekki einhver svoleiðis handa mér?

Ráðstefnan

2007-04-16T20:57:00.000Z

Ég er þreytt, úrvinda jafnvel, en ánægð með undanfarna daga.
FSS hélt ANSO ráðstefnu, og um fimmtán ungmenni komu frá Norðurlöndum síðasta miðvikudag og fóru flest heim aftur á sunnudaginn.
Á þessum tíma fundaði stjórnin og tæklaði mörg snúin (les. leiðileg...djóg) mál, STT gagnagrunnurinn var ræddur, og í hann spáð spekúlerað. En við erum ekki þrælapískarar, við fórum til dæmis með fólkið í bláa lónið, í sund, sungum saman singstar og fórum í göngu þar sem miðbærinn var séður frá hýru sjónarhorni.
Ég sjálf varð móteveruð til að vera aktívari aktívisti. Hausinn á mér er samt fullur af pælingum og pirringum, aðallega út í skilgreiningarfasisma, ég er stolt af því að vera kona og lesbía, en fékk á tilfinninguna að það væri leim, að það eina rétta væri að vera hinsegin og ekkert kyn.

Hluti stjórnar ANSO svamlar
(finnið mig)

Vó!

2007-04-10T16:02:00.000Z

Sáuð þið sætu málefnalega stelpuna á blaðsíðu 41 í Mogganum í dag !?

2007-04-09T19:10:00.000Z

Stúlka 1: (lítur út um bílgluggann) -"Það er mínus þriggja stiga vindur."

Stúlka 2: (með hausinn ofaní snakkpoka) -"Ha, hvernig virkar það?"

Stúlka 3: (spekingslega) -"Þá blæs vindurinn í hina áttina."

...

Pólitískar vangaveltur

2007-03-31T18:08:00.000Z

Hvort er meira leim að ganga í stjórnmálaflokk fyrir bjór eða útaf stelpu?

Vorið er komið

2007-03-29T12:39:00.000Z

Butch og boi

2007-03-24T18:53:00.001Z

Greinin var allt of löng og sumt fékk að fjúka, þar á meðal þessi kafli, en mér þykir svo vænt um hann að ég ákvað að birta hann hér. Ég veit að hun er svolítið í lausu lofti en mér er bara slétt sama.

óverandát.

--------------------------------------------------------------------------------------------------

Kyngervi eru flókin. Þau eru ekki svart og hvítt, karl og kona. Sumir telja sig fædda í röngum líkama, vera kona í
karlmannslíkama eða öfugt. Sannar það þá tilvist einhvers karllegs eða kvenlegs eðlis?
Sumar lesbískar konur ganga inn í karlleg hlutverk í samböndum, án þess þó að ganga endilega svo langt að breyta líkama sínum. Dagný Kristjánsdóttir segir svo:

Innan lesbískra hreyfinga hafa alla tíð verið til tvenns konar hlutverk sem kölluð eru „butch“ og „femme“. Síðara hugtakið er franska og þýðir einfaldlega „kona“ en orðabók Websters gefur aukamerkinguna „kona sem leikur kvenhlutverk í lesbísku sambandi“. Fyrra hugtakið er hins vegar erfiðara að útskýra og ómögulegt að þýða. Webster segir að hugtakið hafi fyrst komið fram um 1941 og merki „mjög karlmannlegur maður“ eða „kona sem leiki karlhlutverk í lesbísku sambandi“. (1)

Butch-lesbían kom oft úr verkamannastétt, og fyrirmynd hennar var verkalýðshetjan. Femínistum annarar bylgju litu butch-femme skiptinguna hornauga og töldu hana eftirlíkingu af kúgandi kynjatvenndarkerfinu.
Þriðju bylgju femínismi hefur kunnað betur að meta þessa menningu þar sem hún varpar ljósi á sviðsetningu kyngervanna, hið ýkta og leikræna. (2
Á undanförnum árum hefur það færst í aukana í samfélögum lesbía að ganga inn í hlutverk sem hvorki getur kallast butch né femme, en hefur verið kallað boi. Þessi afleiddi ritháttur orðsins boy (drengur) á sitthvað sameiginlegt með womyn, sem var málvísindaleg tilraun femínista til að kollvarpa feðraveldinu með því að afnema –man endinguna í orðinu woman (kvenmaður), án þess að orðið væri borið öðruvísi fram.
Að vera boi er að vera ung, með á nótunum, kynæsandi, svolítið karlmannleg og alltaf til í tuskið. Þær sem samsama sig boi-hlutverkinu vilja vera ekki vera karlalegar, líkt og butch-lesbíur, heldur vilja þær vera eins og mjög ungir karlmenn eða táningsstrákar. Þær hafna skyldum og ábyrgð og vilja skemmta sér og stunda kynlíf áhyggjulausar og án þess að það leiði út í sambönd. (3) Þegar tvær lesbíur sem skilgreina sig sem boi eiga í ástarsambandi líta þær á sig sem homma (fags). (4)
Boi hlutverkið er hinsvegar andfeminískt á marga vegu. Boi-lesbía er líkleg til að finna til samkenndar með öðrum boi-lesbíum frekar en femme-lesbíum, líta niður á þær síðarnefndu og tala um þær á niðrandi hátt.
Þær eru oft í raun kvenkarlrembusvín. (5)
Sumar lesbíur, butch og boi, láta breyta líkama sínum, þær fara í brjóstnám (double mastectomy) eða taka inn testósterón, og sumar vilja láta tala um sig í karlkyni frekar en kvenkyni. Með aukinni tækni hefur það færst í aukana að lesbíur sem á öðrum tíma hefðu kannski frekar gegnt butch hlutverki fari í kynskiptiaðgerð. Þetta hefur verið nefnt butch flótti (e. butch flight) (6)
Hlutverk eins og butch og boi eru ekki eftirlíkingar af stöðluðum gagnkynhneigðum hugmyndum um hið kvenlega og hið karlmannlega heldur sviðsetningar og stílfæringar á karlmennsku. (7)
Þessi hlutverkaleikur er í raun kyngervisusli í framkvæmd, í öllum þessum leik molnar úr undirstöðum hinna heilögu tveggja kyngerva.

1. Dagný Kristjánsdóttir: „Hinsegin raddir: Um sannar og lognar lesbíur í bókmenntum og listum“, Skírnir (177) haust, 2003, 451-481. 471.

2. Sama rit, 473-474.

3. Levy, Ariel: Female Chauvinist Pigs – Women and the Rise of Raunch Culture, Free Press, New York, 2005. 121.

4. Sama rit, 125-126.

5. Sama rit, 130.

6. Sama rit, 127.

7. Rosenberg, Tina, Queerfeminist Agenda, Atlas, Stokkhólmur, 2002. 76.

Kona með gráðu = gráðug kona ?

2007-03-22T11:19:00.000Z

Um daginn beið mín bréf frá banka í pósthólfinu mínu. Bankinn óskaði mér til hamingju með titilinn og gaf mér lítið málmbox með nafnspjöldum sem á stóð nafnið mitt, og gráðan. Ekki meira, ekki minna; og ekkert sem fólk gæti notað til þess að komast í samband við mig svo sem netfang, sími eða heimilisfang.
Hverjum er ég að fara að gefa nafnspjald? "Hérna er nafnspjaldið mitt, láttu þitt fólk hringja í mitt fólk".
Ein uppástungan var að nota þau á djamminu, þ.e. skrifa númerið mitt á þau og lauma síðan að einhverri huggulegri dömu. En ég sjálf myndi fá rosalegan bjánahroll ef einhver myndi reyna að ganga í augun á mér með BA gráðu, þannig að ég efast um að ég fari að dreifa nafnspjöldunum á Q.

Gaman að þessu

2007-03-22T09:15:00.000Z

Það sagði mér þetta kona ekki fyrir löngu, og ég sel það ekki dýrara en ég keypti það, en eitt sinn barst sú hugmynd í tal að stofna félag samkynhneigðra háskólastarfsmanna.
Ein manneskja sendi bréf á póstlista starfsmanna, og ein manneskja svaraði.

Á póstlistanum eru níu hundruð manns.

Mikið finnst mér gott að vita að akademían er laus við kynvillu.

Reiða femínistalessan segir:

2007-03-21T11:59:00.000Z

Aaah mússí mússí mússí ! ! !

(en þó meðvituð um hversu firrt það er að vilja knúsa rándýr)

Söknuður

2007-03-20T01:32:00.000Z

Ég reyni að taka þetta einn dag i einu, en stundum er söknuðurinn svo óbærilegur að ég held að ég geti ekki meir. Eftir alla þessa mánuði myndi maður halda að sársaukinn væri farinn að minnka, en því er ekki að skipta. Ég reyni að finna eitthvað í staðinn, en það eru einungis aumir staðgenglar, ekki það sama. Ég sakna Blás ópals.

Um beyglur og píkur

2007-03-16T13:27:00.000Z

Stundum er ég að skrifa einhvern texta; styrkumsókn, ritgerð, auglýsingu fyrir félagið, bara eitthvað, og er orðin yfirkoffíneruð og þreytt. Þá slæðast inn í textann setningar sem meika ekkert sens, eða sem mér í mínu annarlega ástandi finnst brjálæðislega fyndnar á þeim tíma. Daginn eftir les ég svo yfir og tek þær setningar út. Hérna virðist sama hafa gerst, nema textinn sendur beint í prentun klukkan hálffjögur um nóttina.
"Beyglurnar okkar eru eins og píkur, hvað er ekki hægt að elska", myndi vera skelfilega bein þýðing.
Nú er ég mikil beyglukona, myndi borða beyglur í hvert mál ef að ég kæmist upp með það, og verandi lesbía...guð ég vil ekki klára þessa setningu.
En málið er að í þessu tilfelli selur kynlíf ekki.
Ég er búin að fara fimm hringi í þessu máli, frá því að finnst þetta gróf vísun í klámiðnaðinn, móðgun við konur, móðgun við beyglur og svo bara ógeðslega fyndið.

Vá hvað ég...

2007-03-07T12:34:00.000Z

...var búin að gleyma hvað kókoskaffi gerir mig hamingjusama.
En að öðru.
Nú er ég ansi hrædd um að ég verði rekin af eyjunni:

Mér finnst júrósvisjón lagið leiðilegt.

Mér líður betur þegar ég hef komið þessu frá mér. Mér líkar ekki illa við Eirík eða hata lagið af af lífi og sál, mér finnst það bara ekki skemmtilegt. Ég fell ekki í dá af leiðindum þegar ég heyri það, eða reiti af mér hárið í örvæntingu, heldur er það meira þannig að ég óvart labba út úr herberginu.

heilbrigð sál í ...eh

2007-03-05T10:41:00.000Z

Í gær pantaði ég völl fyrir badminton. Ég tók saman sunddótið mitt til að geta farið að synda í dag. Ég velti því fyrir mér hvort frostið myndi vara nógu lengi til að ég gæti aftur skautað undir stjörnunum, og hugsaði að ég þyrfti að vera duglegri að mæta í jóga.
Í dag vaknaði ég með strengi.
Í hversu vondu formi er maður ef maður fær strengi af að hugsa um hreyfingu?

Klinga linga ling

2007-03-03T21:08:00.000Z

laugardagur, ég bakfull undir sæng, snöktandi því þetta er svo yndislegt.

WTF !!!????????

2007-02-28T12:42:00.000Z

"Það væri reyndar "dream come true" ef þú mundir hætta í afgreiðslunni á
bókhlöðunni en mig grunar sterklega að þú sért erlendis í
rómantískri reunion ferð með fyrverandi kærustunni.. :S"

Inventory

2007-02-14T19:10:00.000Z

Four be the things I am wiser to know:
Idleness, sorrow, a friend, and a foe.

Four be the things I'd been better without:
Love, curiosity, freckles, and doubt.

Three be the things I shall never attain:
Envy, content, and sufficient champagne.

Three be the things I shall have till I die:
Laughter and hope and a sock in the eye

Dorothy Parker

...Ég hef reyndar ekkert á móti freknum...

My life

2007-02-14T00:57:00.001Z

9AM Tell Me What You Think a 'Book' Is

Patron: Ummm, I'm looking for a book.
Librarian: Okay, well, do you know what it's called?
Patron: No.
Librarian: Do you know who wrote it?
Patron: No.
Librarian: Are you just hoping that we have some sort of book?
Patron: Yeah.
Librarian: You know you're in a fuckin' library, right?

Austin Public Library
Austin, Texas

via Overheard in the Office, Feb 13, 2007

Afmæli, pt. II

2007-02-12T09:38:00.000Z

Bloggið mitt er núna á: ofurraudkan.blogspot.com

Jú jú jú bara hreint út sagt ágætis afmæli. Veislan heppnaðist undur vel, þó svo að ég hafi stundum verið eins og kanína á spítti að reyna að tala við alla og vera allstaðar í einu. En það er nú reyndar alveg lúxusvandamál, að hafa of mikið af góðu og skemmtilegu fólki.
Ég fékk líka alveg glás af gjöfum, þar á meðal fjóra maríuhænutengda hluti. Ég veit að það er ekki alveg dönn að gera upp á milli en ég var samt skotnust í fagurrauðu ferðatöskunni, útfjólubláu peysunni, moleskin bókinni með kvöðinni og camperskónum.
Allt rauðvínið á líka örugglega eftir að koma sér vel, og sömuleiðis Benny Hill kasetturnar ef ég finn svoleiðis spilitæki.
Laugardagurinn byrjaði í ofsapanikk því ég er svo óvön því að vera í fríi að ég vaknaði, leit á klukkuna og tókst á loft (amk tvo metra) og var komin hálf út um dyrnar þegar ég fattaði að ég mátti sofa lengur...ah ljúft...kvöldinu var síðan eytt í sumbl og dansiball.
Eftir tveggja daga ógæfu var komið að sunnudeginum og fjölskyldukaffi. Bara mín nánasta fjölskylda, en við erum samt alveg tólf (þrettán ef ég tel köttinn með). Börnin þrjú náðu að sprengja allar blöðrurnar nema eina og ég heimtaði prinsessutertu af mömmu. Prinsessuterta er partur af sænsku áhrifunum sem enn eimir eftir af, eiturgræn marsípankaka (mín var líka með hvítum hjörtum) með vanillukremi. Sjúkt gott.
Eins og ég sagði, ágætis afmæli.
Tvennt varpaði þó skugga á afmælisgleðina. Annars vegar saknaði ég eins skosks kjánabanana alveg ógurlega, hins vegar var það afmæliskveðja sem hljómaði orðrétt svona: "Ég vona að þú eigir ömurlegt afmæli."

Gettu...

2007-02-08T00:30:00.000Z

...hver á afmæli í dag?

Hvað er að?

2007-02-02T12:40:00.000Z

Yfirleitt líður mér eins og ég sé frekar örugg á þessu landi. Löggjöfin verndar hinn almenna borgara fyrir árásum, og skyldi einhver brjóta þau lög höfum við dóms- og réttarkerfið til að refsa glæpamanninum. Hélt ég.
Stundum missi ég algjörlega vonina á þetta samfélag sem við búum í.
Í hvers konar heimi er hægt að stytta refsitíma barnaníðings sem ítrekað hefur misnotað börn, allt niður í þriggja ára? Ólafur Barði Kristjánsson var í héraðsdómi dæmdur í tveggja ára fangelsi fyrir kynferðisbrot gegn fimm stúlkubörnum á tíu ára tímabili. Yngsta fórnarlambið var þriggja ára stelpa.
Glatað sakleysi er ekki hægt að meta í fé eða tíma. Barnaníðingurinn skuldar fórnarlömbum sínum ekki ákveðna upphæð, eða getur bætt fyrir brot sitt með ákveðið langri fangelsisvist. Hann skuldar þeim allt fé í heiminum og meira, og fangavist hans ætti að endast til æviloka.
Hæstaréttardómarnir styttu dóminn. Þeir hefðu getað lengt hann í 4 ár samkvæmt 2. málsgrein 202. greinar almennra hegningarlaga, og refsiramminn býður upp á allt að tólf ára fangelsi, en þeir kusu í staðinn að stytta dóminn í eitt og hálft ár, sem þýðir að eftir ár verður hann laus úr fangelsi.
Hvers vegna hafa löggjöf á annað borð sem býður upp á refsingu við skelfilegum glæp, sem er síðan ekki nýtt? Oft hefur mildi hæstaréttar gagnvart kynferðisafbrotum hryggt og reitt mig, en nú er nóg komið.

Gunnlaugur Claessen, Hrafn Bragason, Markús Sigurbjörnsson, Árni Kolbeinsson og Garðar Gíslason - Þið brugðust mér.

Minnispúnktar:

2007-01-29T21:50:00.000Z

It takes a fool to remain sane
og ég er enginn bjálfi.

- Að fara pöddufull beint á flugvöllinn eftir ævintýranótt er ekki endilega vond hugmynd. Líklegt að maður drepist í rútunni og sofi allt flugið. Hins vegar er ágætt að hafa í huga að það er ekki góð hugmynd að koma heim, klára að pakka, og þjóta á BSÍ. Mitt drukkna sjálf sá greinilega ekki tilgang í því að pakka sjampó eða sokkum, en það var sosum ágætt að hafa tvo varaliti og þrjú gloss. Ef að fluginu hefði seinkað um níu tíma eins og síðast þegar ég fór á fund í Danmörku hefði samt ekki verið að fyndið að verða smátt og smátt þunn í Leifstöð.

- Master Suppression Techniques eru áhugaverðar, nastí og óhugnalegt þegar maður kemst að því að maður er að nota þær sjálfur.

- Bjórinn í Danmörku er ódýr. Það þýðir hinsvegar ekki að ég þurfi að reyna að drekka hann allan.

- Femínistaheimurinn er pínkulítill.

- Ef að maður gleymir (lesist sleppti viljandi) að kaupa lestarmiða dugar STUNDUM að snökta smá þegar eftirlitsmaðurinn kemur, og þá losnar maður við 700 danskra króna sekt.

- Allir matarstaðir í Kastrup eru með sama matinn og hann er óætur. Sérstaklega ef að maður ákvað að gerasta kolvetnissneyðandi grænmetisæta (non-carbing vegatarian) þann daginn.

- Icelandexpress er alltaf pínu vesen, og vélarnar þeirra bila skuggalega oft.

- Það er gott að eiga fyrrverendur. Svo lengi sem þær sækja illþefjandi og skemmda mig á völlinn.

Viltu vera vinur minn?

2007-01-24T22:08:00.000Z

Stundum kynnist maður manneskju og hugsar "vá en spennandi og skemmtileg manneskja!" eða kynnist vinahóp sem er alltaf hlæjandi og talandi um skemmtilega hluti. Þá væri svo gott ef að reglur rólósins væru enn í gildi og maður gæti labbað upp að viðkomandi og sagt: "viltu koma að leika" eða "eigum við að vera vinir?".
En einhverra hluta vegna gerir maður það yfirleitt ekki. Jú, ég hef lent í því að manneskja hefur sagt "mér finnst þú skemmtileg og mér finnst að við eigum að vera vinkonur" og veit af einni stúlku sem sótti formlega um að verða hluti af vinahóp, en svona yfirleitt þá þurfa svona hlutir að gerast á sínum eigin tíma. Þetta er jafnvel enn erfiðara þegar maður þekkir viðkomandi í rauninni ekkert. Þá væri eitthvað svo skrítið að biðla platónískt til hans/hennar.
Ó guð, fattaði að þetta hljómar eins og ég eigi ekki vini. Ég á vini, í alvöru! Ég er bara að meina allt hitt fólkið sem er spennandi og...eh w.e.

þannig að ég spyr: Viltu vera vinur minn?

"These are a few of my favorite things"

2007-01-23T08:16:00.000Z

Í tilefni þess að ég á bráðum stórafmæli er hérna smá listi yfir uppáhalds allskonar, sumt uppáhalds í lífinu, sumt akkúrat í augnablikinu. Svona ef einhver veit ekkert hvað hann á að gefa mér.

Maríuhænur (klárlega)

Flauel

Trommuheilar

Kanlill

Blikkbox

Hrafnar

Neonskilti

Útsaumað dót

Andlitsmaskar

Sól, sjór og sandur

Sushi

1950 pin up.

Nudd!

og að sjálfsögðu allt sem er svona voða gej eitthvað (hint hint The Lesbian and Gay Studies Reader, bóksalan

ljótar, rotnar og skemmdar...

2007-01-14T13:03:00.000Z

...á sálinni. En samt pínu fyndið.

-a. says: (1:49:27 AM)
guð, farðu á blabla.is

Aslaug says: (1:51:18 AM)
djísus

-a. says: (1:51:19 AM)
þetta er ÆÐI

Aslaug says: (1:51:26 AM)
ég er enginn EGÓ!

-a. says: (1:51:38 AM)
ég hló eins og mófo, upphátt, ein

Aslaug says: (1:52:15 AM)
er ann að tala við einhverjar stelpur útá götu??

Aslaug says: (1:54:29 AM)
þetta er brilliant!

-a. says: (1:56:45 AM)
djöfull það er búið að taka út fyndnustu færsluna

Aslaug says: (1:57:05 AM)
oh

-a. says: (1:57:17 AM)
hann var alveg búin að fá fullnæðingu- og fleiri gullkorn

Aslaug says: (1:57:20 AM)
Strákar mínir ef það er ekki nóg að sofa hjá ykkur vel og ekki nóg að
vera sæt og heillandi hver er þá leiðin að hjarta ykkar?

Aslaug says: (1:57:27 AM)
vá....bara...vá!

-a. says: (1:58:09 AM)
ég er 16 ára stelpa :) & á gamlárskvöld var ég í partíji með kærastanum
minum sem eg er buin að vera með i sirka 1 og hálft ár :) & við erum
alltaf saman :) ! erum svo náin.. svo allt í einu á djamminu var hann
ekkert svo fullur bara buinn að drekka nokkra bjóra samt svoldið vel í því
:) og þarna fór hann bara að tala við eitthverja gellu þá sá ég bara fara
upp i herbergi með þessari gellu og ég bara what. og elti þau og svo fór
ég til vinkonu minnar og sagði henni að mer findist þetta eitthvað skritið
og svo for eg uppí herbergi með nokkrar gellur og hann var að borga þeim
fyrir að ríða sér ? og ég horfði bara á hann og leið hræðilega og fór að
gráta og hann sá mig og hljóp til min og sagðist hafa gert mistök og nuna
erum við ennþá saman en ég þori ekki að hitta hann ... hvað á eg að
gera?

-a. says: (1:58:42 AM)
dump the fucker!

Aslaug says: (1:59:20 AM)
djíses!!!

Aslaug says: (1:59:25 AM)
er fólk vangefið????

-a. says: (1:59:32 AM)
já

-a. says: (1:59:54 AM)
ég fór í bakarí í morgun og ég var alveg að deyja úr hungri en það var
bara svo ógeðslega mikið að gera. Ég stóð við endann á borðinu þannig að
það var mjög auðvelt fyrir mig að teyga mig í snuð bak við borðið. ég var
orðin frekar pirruð á því að bíða þannig að ég ákvað að taka snúðinn. Um
leið og ég tók hann gengur lítill feitur strákur að mér og segir "hey þú
ert að stela" og segir það frekar hátt þannig að allir líta á mig en í
paniki mínu næ ég að troða snúðinum upp í strákinn og bendi síðan á hann
og þóttist hafa sagt það sem strákurinn sagði. Mamma stráksins kemur alveg
brjáluð og rífur heiftarlega í hann og öksrar á hann "Nei Pétur, nú hef ég
fengið nóg, núna ferð þú í fat camp" og allir klappa fyrir mér því ég var
svo góð að segja til hans og bakarinn ákvað að gefa mér snúð í
þakkargjöf

Aslaug says: (1:59:57 AM)
þetta er að gera mig geðveika og ég hef engann til að tala við um
þetta, ég var í partýi og kintist gaur í því og við svona fórum að vera
soldið mikið náin og svo þegar við héldum að við værum ein og byrjuðum að
vera nánari, þá allt í einu byrjaði ég að sjá fult af flassi, vinkona mín
var að taka myndir af okkur.

Aslaug says: (2:00:33 AM)
vó...

-a. says: (2:01:36 AM)
Ég gat ekki hætt að rúnka mér í heilan dag og á endanum sá ég að typpið
á mér var komið í hring og er bara fast þannig, hvað geri ég?

-a. says: (2:01:40 AM)
tíhíhí

Aslaug says: (2:01:59 AM)
stundum gera þær þetta líka alveg af fullu frjálsræði

Aslaug says: (2:02:07 AM)
hvar er frjálsræðið mitt??!?!?!

-a. says: (2:02:51 AM)
ég elska fólk

Aslaug says: (2:03:29 AM)
jamm, svona eins og maður elskar litla kjánaapa

2007-01-14T13:02:00.000Z

-a. says: (2:03:36 AM)
sko svona er málið, ég er hrifinn af stráki og mér finnst hann gett
sætur og skemmtilegur og svona en flestir aðrir finnst hann
hundleiðinlegur ekkert myndarlegur..og ég er bara hrædd við það að allir
fara að vera með eikker læti út af þessu t.d. að segja: af hverju ertu með
honum, finnst þér hann virkilega skemmtilegur og eikkað svoleiðis...hvað á
ég að gera?

Aslaug says: (2:04:11 AM)
hvenær dó málið okkar?

-a. says: (2:04:53 AM)
mályð okar er ekkerrt dáin

Aslaug says: (2:05:08 AM)
ARGH!!!!

Aslaug says: (2:05:12 AM)
ég kem aldrei aftur eim!!

Aslaug says: (2:05:15 AM)
heim!!!

Aslaug says: (2:05:45 AM)
en svo var ég að komast að þvi að kærastinn minn hefði farið i eitthva
party a gamlarskvöld og vaknað i rummi með allsberum köllum og vaknað við
að það var verið að taka hann i rass :| hann sagði mer þetta og eg
nattlega styð hann i þessu en ja eg veit ekkert hvað ég á að gera .

-a. says: (2:06:11 AM)
já, maður nátturulega verður að styðja hann í þessu

Aslaug says: (2:06:20 AM)
auðvitað

Aslaug says: (2:06:46 AM)
svo segja svörin að hann hafi líka verið búinn að skrifa inná síðuna um
þetta kvöld, og gaurinn sem hún var að halda framhjá með er bróðir
rassaríðingagaursins!!!!

Aslaug says: (2:07:49 AM)
þetta gerist ekki betra!
-a. says: (2:09:55 AM)

2007-01-14T13:01:00.000Z

-a. says: (2:10:02 AM)
en ég var að pósta

Aslaug says: (2:10:16 AM)
úúúú hverju?

-a. says: (2:10:31 AM)
mínum dýpstu leyndarmálum

-a. says: (2:10:33 AM)
djók

-a. says: (2:10:40 AM)
nei ekki pósta, kommenta...einhver pjakkur sem heldur að hann sé hommsill

Aslaug says: (2:10:53 AM)
oh ok

-a. says: (2:11:03 AM)
benti honum á ungliðana

Aslaug says: (2:11:11 AM)
töff

-a. says: (2:11:41 AM)
Hey .. ég er hrifinn af gaur .. en hann er bara svo geðveikur notari
:S,hvað á ég að gera? á ég að seigja honum að ég sé hrifinn a honum ?

-a. says: (2:11:57 AM)
spurjum við okkur ekki öll að þessu stundum?

Aslaug says: (2:12:04 AM)
einmitt

Aslaug says: (2:12:09 AM)
helvítis notarar!

Aslaug says: (2:13:47 AM)
langar það geggað en er samt pínu farin að missa áhuga þvi han drekkur
svoltið mikið og eg hata mikla drikkju þv eg þurti að fara að heiman vegna
drikkju pabba mins eg er samt geggað hrifin af honum en svo er það að það
eru frekar margir strákar að reina við min

Aslaug says: (2:13:57 AM)
dísus!! hvað kom fyrir íslenskuna?

-a. says: (2:14:00 AM)
þetta er æðislegt:

-a. says: (2:14:05 AM)
Einmana og langar í kall.....
Játað þann 09/09/2006 klukkan 00:17
Ég er á 27. aldursári. Ég hef aldrei verið í alvarlegu sambandi. Hef sofið
hjá fullt af gaurum en þeir sem mér líst rosalega vel á segjast aldrei
vera tilbúnir í samband. Þeir eru alltaf nýkomnir úr sambandi og þurfa
tíma til að jafna sig en finnst ekkert mál að sofa hjá mér. Svo kemur að
því að þeim finnst ég vera of ýtin og slíta því sambandi við mig og áður
en ég veit af eru þeir komnir í samband með næstu gellu! Ok, ég veit að ég
er soldið "desperate" og strákar fíla það ekki en KOMMON! Ég er góð
stelpa, reyki ekki, drekk nánast aldrei áfengi, er barnlaus og í stunda
ræktina. En alveg hrikalega "pikkí" og læt nánast aldrei sjá mig á
djamminu. Ég er inni á einkamál og það er eiginlega eini staðurinn sem ég
hitti gaura. Ég hef oft fengið hrós fyrir gott kynlíf og svona en það er
auðvitað ekki nóg. Ég hef sofið hjá alltof mörgum og það pirrar mig. En
mig langar virkilega í kærasta. Ég veit bara ekki hvað ég þarf að gera. Á
ég bara að vera róleg og hætta leitinni eða þarf ég að fara að hunskast á
djammið...?

Aslaug says: (2:14:18 AM)
þetta er betra en Æskan!

-a. says: (2:14:41 AM)
ok greinum nú þetta vandamál

Aslaug says: (2:14:50 AM)
ok...

-a. says: (2:15:08 AM)
hún nær ser í gaura á einkamál...og er hissa að þeir vilji bara ríða? Eh…

Aslaug says: (2:15:21 AM)
skrýtið

-a. says: (2:15:25 AM)
hrós fyrir gott kynlíf

Aslaug says: (2:15:50 AM)
"þetta var nú gott kynlif hjá þér vinan"

Aslaug says: (2:16:07 AM)
og manneskjan er 27 ára!!

-a. says: (2:17:16 AM)
já!

-a. says: (2:17:32 AM)
endurvekur trúnna á mannkynið

Aslaug says: (2:17:43 AM)
ójá

-a. says: (2:18:41 AM)
ógéðsleg

-a. says: (2:18:45 AM)
flott orð

-a. says: (2:18:58 AM)
kemur viðbjóðnum svo vel til skila

Aslaug says: (2:18:56 AM)
og fokkast svona skemmtilega við mig.

Aslaug says: (2:18:58 AM)
wtf?

-a. says: (2:19:02 AM)
WTF???

Aslaug says: (2:19:10 AM)
einmitt

-a. says: (2:19:13 AM)
could you use that in a sentence please?

Aslaug says: (2:19:43 AM)
sætu strákarnir eru alltaf að stríða mér og fokkast svona skemmtilega
við mig :)

-a. says: (2:21:57 AM)
vá

2007-01-14T12:08:00.000Z

Aslaug says: (2:22:40 AM)
hæhæ... hérna var að pæla, tippið á mér er skakkt og snúið... mig langar til að hafa það beint, ég æfði sund í 6 ár, og girti alltaf tippið á mér til hliðar er það kannski ástæðan?? hvað get ég gert??

Aslaug says: (2:22:47 AM)
mikið er ég fegin að vera ekki með tippi

-a. says: (2:22:58 AM)
guð guð guð já

-a. says: (2:23:07 AM)
skakkt og snúið...gaman að sofa hjá því

Aslaug says: (2:23:14 AM)
hehehehhe...nákvæmlega

-a. says: (2:23:32 AM)
eg er 3tugur...a allt bil, ibud ,vini fjolskyldu og allt istandi...er reglusamur og vel normal....en ???konur lita ekki vid mer....hvad er ad ....er algerlega normal....svo hvad er i gangi??????hvi reyn ir engin vid mig.....hm?

-a. says: (2:23:45 AM)
...eh af því þú kannt ekki að skrifa?

-a. says: (2:24:13 AM)
ahahah eitt svarið er einmitt það:

-a. says: (2:24:15 AM)
örugglega bara vegna þess hve ömurlegur þú ert í stafsetningu...soo ég tali ekki um innsláttarvillurnar! ertu blindur?

Aslaug says: (2:24:18 AM)
hugsanlega

Aslaug says: (2:24:24 AM)
haahahha!!!

Aslaug says: (2:24:55 AM)
þetta breytti lífi mínu:

Aslaug says: (2:24:57 AM)
það er bara hægt að græða með að trúa á guð ef maður reinir að gera allt eins og er sagt að maður eigi að gera ef hann er til þá ertu á réttri braut ef hann er ekki til þá ertu búinn að vera góður maðu þína ævi og hjálpa kanski fólki

-a. says: (2:25:24 AM)
annað svar við gaurnum

-a. says: (2:25:25 AM)
Þú ert alveg örugglega bara lúði í afneitun. Sættu þig bara við það að vera ekki öðru fólki bjóðandi. Því fyrr því betur á þér eftir að líða með það.

-a. says: (2:25:39 AM)
true...harsh, but true

Aslaug says: (2:25:55 AM)
hahaha jamm

2007-01-14T12:07:00.000Z

-a. says: (2:26:19 AM)
ég spir eginlega tvi sama gengur ekkert hja mer kann ekkert að hozzla fatta ekkert ef kelingar reina vid mig samt seigja þær allar að eg se player pfff.. ég er engin djos player ef eg fæ ekki neit

Aslaug says: (2:26:30 AM)
í alvöru. fólk er vangefið!

-a. says: (2:26:43 AM)
maður spir sig

Aslaug says: (2:27:19 AM)
vá ég held að heilinn minn sé að bráðna

-a. says: (2:28:37 AM)
kað menarðu?

Aslaug says: (2:29:00 AM)
argh þau eru búin að skemma þig líka!!!

Aslaug says: (2:29:08 AM)
flýðu til Edinborgar!!

-a. says: (2:29:16 AM)
mjer fynnst bar fínt ef flók se að sejja frá símun vnaadamálunm

Aslaug says: (2:29:33 AM)
þegar kemur að því þá baka ég alltaf í burtu

Aslaug says: (2:29:42 AM)
baki baki baki

Aslaug says: (2:29:46 AM)
snúða kannski?

-a. says: (2:30:47 AM)
ég er komin með krampa í magann
A
slaug says: (2:30:52 AM)
Ég skil ekki kynlíf til fulls, það ruglar mig að stunda það með einhverjum. Er kynlíf bara kynlíf?? Á sama hátt og pizza er bara pizza??

Aslaug says: (2:30:54 AM)
vá ég líka

-a. says: (2:31:11 AM)
pizza er aldrei bara kynlíf

Aslaug says: (2:31:31 AM)
og kynlíf aldrei pizza

Aslaug says: (2:31:38 AM)
því miður

-a. says: (2:31:46 AM)
kynzza

-a. says: (2:31:52 AM)
pizzlíf

Aslaug says: (2:31:58 AM)
úje!

2007-01-14T12:06:00.000Z

Aslaug says: (2:32:12 AM)
Vinur minn er dálitð skrítinn hann er alltaf að snerta mig það er eins og hann sé hommi ég veit ekki hvort hann sé hommi eða ekki

Aslaug says: (2:32:16 AM)
ég fæ aldrei nóg!

-a. says: (2:32:32 AM)
ég er farin að ofanda

Aslaug says: (2:33:16 AM)
ég held ég þurfi aldrei að gera magaæfingar aftur

-a. says: (2:33:50 AM)
ok hæ eg er 16 ára gaur eg er buin að vera á lausi í meira en ár buin að vera með fullt af gellum siðan þá og allt það pleyja pleyja ;) en ok nuna er eg eithvað að dílla mer með gellu og eithva hun er alveg sæt og eg er alveg gg hrifin af heni og allt það en þetta er samt gg skritið gett ekki hætt að hugsa um aðrar gellur og pleyja aðrar gellur hvað gett eg gert :S:S

-a. says: (2:34:06 AM)
pleyja pleyja

Aslaug says: (2:34:29 AM)
pleyja pleyja!

Aslaug says: (2:34:41 AM)
oh mig langar að dilla mér

-a. says: (2:37:41 AM)
Ég er gay strákur. En ég fíla ekki að sofa hjá öðrum gaur. Og ég fæ tremma þegar ég er með gaur og "þarf" að gefa munnmök , ætti ég að prófa að vera með stelpu?

-a. says: (2:37:45 AM)
come again?

-a. says: (2:37:52 AM)
where's the gay part?

Aslaug says: (2:38:05 AM)
nákvæmlega!!

Aslaug says: (2:38:12 AM)
dude, you’re straight!

2007-01-14T12:05:00.000Z

Aslaug says: (2:38:45 AM)
EG er kallaður stórfótur því að eg er mikklu stærru fót hægra meginn en vinstra meginn ef þetta heldur áfram þá mun ég gera allt sem i valdi minu stenndur til að þetta hætti

Aslaug says: (2:38:49 AM)
hvað ætlar hann að gera??

-a. says: (2:39:07 AM)
höggva hann af?

-a. says: (2:40:29 AM)
"I told you to stop calling me bigfoot!"

-a. says: (2:40:54 AM)
Heyrðiði nu þarf eg skoðanir ykkar!!!! Er strakur að hössla ef hann liggur á maganum á manni og heldur í hendurnar á manni lika??

-a. says: (2:41:03 AM)
ha???

Aslaug says: (2:41:15 AM)
whut?

-a. says: (2:41:35 AM)
annað hvort það eða þá að hann er að halda þér niðri af einhverrri ástæðu…sem, ha?

Aslaug says: (2:41:36 AM)
Freak

Aslaug says: (2:41:39 AM)
var svarið sem stórfótur fékk

-a. says: (2:41:45 AM)
true

-a. says: (2:41:49 AM)
harsh but...

Aslaug says: (2:42:01 AM)
yep

2007-01-14T12:04:00.000Z

-a. says: (2:43:47 AM)
ann varð gg full og tala mjög lítið við mig. það er eins og hann skilji ekki hvað ég var að ganga í gengnum. hann heldur að ég vilji ekkert hitta hann. en það er ekki satt. hann er gg sætur og væri svo til í að hittan.ég sendi honum SMS þegar ég gat ekki hittan og hann svaraði ekki og var gg full þegar ég var að lýsa þessu á msn. ég ég að halsa áframm að tala við hann eða á ég bara að gleima honum

-a. says: (2:43:53 AM)
hvað er gg?

Aslaug says: (2:44:16 AM)
Gegt, held ég

Aslaug says: (2:45:09 AM)
ég fann fullnæðingarpóstinn

Aslaug says: (2:45:16 AM)
hann meiddi mig á sálinni

-a. says: (2:46:12 AM)
Hann. Er. Æði.

-a. says: (2:46:25 AM)
gemmér link

Aslaug says: (2:48:18 AM)
yeps,

-a. says: (2:47:58 AM)
það er annar sem notar: er ekki að reyna að vera egó

Aslaug says: (2:50:06 AM)
það er kannski allt í lagi, hinn sagði "ég er ekki að reyna að vera EINHVER egó"

Aslaug says: (2:50:14 AM)
mér fannst það asnalegt

-a. says: (2:52:03 AM)
engin er pörfegt..

Aslaug says: (2:52:25 AM)
þetta er gullnáma!

2007-01-14T12:03:00.000Z

-a. says: (2:52:41 AM)
Hér er gott svar,

-a. says: (2:52:51 AM)
Guð
Skrifað þann 07/01/2007 klukkan 23:52
Ég elska þig sonur.

-a. says: (2:53:16 AM)
Hæj ég er að deyja er svo hrifin af stráki.! var einu sinni með honum en var sögð upp dæjin eftir eða eitthvað

Aslaug says: (2:53:22 AM)
frá guði?

-a. says: (2:53:29 AM)
ég hata að vera sögð upp

Aslaug says: (2:54:02 AM)
úff ég líka

Aslaug says: (2:58:07 AM)
Ef fyrrverandi fréttir þetta þá yrði ég ekki hissa ef þið mynduð lesa frétt um að ungur maður í blóma lífsins hefði verið krossfestur á Valhúsahæð. Hvað er til ráða? ps. þið þarna rauðsokkurnar og femínistarnir sem eruð að fara að segja mér að halda tippinu á mér í buxunum megið þegja, því það er ekki í boði!

Aslaug says: (2:58:13 AM)
vó nú er ég forvitin!

-a. says: (2:58:28 AM)
sheize

Aslaug says: (2:58:44 AM)
yep

Aslaug says: (3:00:26 AM)
jæja ég held ég geti ekki meir í kvöld

-a. says: (3:00:51 AM)
ég átti að vera sofnuð fyrir 3 tímum

Aslaug says: (3:01:16 AM)
good though

-a. says: (3:01:47 AM)
muy bieno...en vonandi hefur þetta ekki haft varanleg skaðleg áhrif :)

Aslaug says: (3:02:39 AM)
ég er sködduð fyrir lífstíð...well, goodnight, and good luck

Bendandi á hið augljósa...

2007-01-11T23:54:00.000Z

...kalt úti, kalt inni, kalt í hjarta, kalt í sinni, kalt, bara kalt!

en Glómeyin fagnar stórafmæli og ekki er það nú leiðilegt, sérstaklega þegar það gefur manni ástæðu til að fara út að borða með glöðum hópi kvenna.
Í öðrum fréttum: Ef hamingja er það sama og gleði, og nafnið mitt þýðir hamingju kona...

Árnar

2007-01-10T00:54:00.000Z

Svo lengi lærir sem lifir, segja þeir. Ég veit ekki um það, undanfarið hefur mér fundist ég verða vitlausari með árunum, þrátt fyrir aukna menntun. Það eina sem ég kann er árnar í fyrrverandi Sovíetríkjunum, og að hversu miklu gagni kemur það mér í lífinu?
Jú ég kann alls konar fín orð til að tala um suma hluti, stundum svo fín orð að ég fer hjá mér því ég veit sjálf að það er hægt að nota miklu mánudax-ýsulegri orð. Ég get líka þulið upp alls kyns kveðskap, talað endalaust um samkynhneigð á Íslandi og munað fjórar kennitölur og kannski fimmtan símanúmer utan að. En ég hélt bara að ég myndi vera svo miklu klárari á þessum aldri, kannski ekki vita stóru svörin í lífinu, en vita eitthvað um eitthvað.
Kannski sumir séu að sigla inn í mega kvartlífskrísu?
Dvina, Neva, Dniepr, Don og Volga, Sir Darja, Amu Darja, Ob, Yenisei.

Nýja uppáhalds

2007-01-05T21:11:00.000Z

lagið mitt og Elínar er Rama Lama (Bang Bang) með Róisín Murphy.

Guð minn góður!

2007-01-05T01:08:00.000Z

Þegar ég kom heim hreyfði Elín sig ekki og ég hélt að hún væri dáin.
- kona á barmi taugaáfalls.

sorrí

2007-01-03T01:59:00.000Z

Elín býr hjá mér næstu vikuna þannig að ég hef ekki mikinn tíma til að blogga.

Árið er að verða búið

2006-12-31T05:48:00.000Z

Og hér er lagið sem ég er með á heilanum:

I used to visit all the very gay places
Those come-what-may places
Where one relaxes on the axis of the wheel of life
To get the feel of life from jazz and cocktails

The girls I knew had sad and sullen gray faces
With distingue traces that used to be there
You could see where they'd been washed away
By too many through the day, twelve o'clock tales

Then you came along with your siren song
To tempt me to madness
I thought for awhile that your poignant smile
Was tinged with the sadness of a great love for me
Ah yes, I was wrong
Again, I was wrong

Life is lonely again and only last year
Everything seemed so sure
Now life is awful again
A trough full of hearts could only be a bore

A week in Paris could ease the bite of it
All I care is to smile in spite of it

I'll forget you, I will while yet you are still
Burning inside my brain romance is mush
Stifling those who strive

So I'll live a lush life in some small dive
And there I'll be
While I rot with the rest of those
Whose lives are lonely too

2006-12-24T00:22:00.000Z

ókei, ljúkum þessu drasli af.

Arg!

2006-12-23T12:57:00.000Z

"Í ár ákvað ég að ljúka jólainnkaupunum snemma þannig að ég fór í Europris og keypti kynjuðustu jólagjafir í heimi."
Geturðu talað hærra, ég heyri ekki í þér þarna úr sjötta áratugnum.

Einn sólarhringur, rúmlega

2006-12-18T01:32:00.000Z

"Hmm, netið dottið út," hugsaði ég og rölti fram í eldhús, kveikti undir vatninu og starði sljóum og valkvíðnum augum á átta tegundir af te-i. Skreið inn í stofu aftur og reyndi aftur að fara á netið, en ekkert gekk. Prófaði að slökkva á ráternum og kveikja aftur, slökkva á tölvunni og kveikja á henni aftur. Jú ég gat farið á moggann og póstinn, en ekki á msn, gúgúl, blogg og allt sem er útlenskt, meira og minna. Með bókina mína í hendinni lufsaðist ég í háttinn og hugsaði að ég væri hvort eð er að fara að vinna daginn eftir og tölvuleysið myndi ekki drepa mig þangað til.
Daginn eftir var hins vegar sama viðkvæðið í vinnunni, íslenskt já takk en ekkert samband við hinn stóra heim.
Spæjarinn ég tók að rannsaka þetta dularfulla má og komst að þessu.
Tvær til þrjár vikur! Ég var viss um að ég myndi ekki lifa það af.
En svo kom í ljós að þetta var svona eins og þegar maður gleymir símanum sínum og panikkar fyrst því að maður heldur að maður sé svo merkilegur (maðurinn verandi ég að sjálfsögðu) en venst því og finnst á endanum þægilegt að vera utan seilingar, ekki í meira sambandi við umheiminn en maður sjálfur kýs.

Meðan netið var úti:
Losnaði ég við að þurfa á minn þráhyggna hátt að skoða fimmtán síður einu sinni á klukkutíma ANNARS SPRINGUR HEIMURINN!

Gat ég hætt að argantúast yfir samskiptum við manneskju sem ég varla þekki í raunheimi en er einhverra hluta vegna í sambandi við í tölvuheiminum.

Gat ég farið á ærilegt bókafyllerí, orðið gegnsósa af sögum og þarafleiðandi í ennþá minna í sambandi við raunveruleikann.

Gat ég lesið fréttablaðið í gegn án þess að gá á hálfrar mínútu fresti hvort að einhver væri kominn inn á msn.

Fattaði ég að ég er netfíkill.

En eins og rafmagnsleysi sem er kósí fyrst en alltaf svolítill léttir þegar rafmagnið kemur aftur var ég glöð þegar netið snéri aftur. Samt ætla ég, einn dag í einu, að hætta að vera háð netinu. Jú, ég get það.

Eh...?

2006-12-18T00:52:00.000Z

"Hægt er að aðhyllast hugmyndafræði lesbía án þess að vera lesbía kynferðislega."
(Nýi kvennafræðarinn: handbók fyrir konur á öllum aldri, Álfheiður Ingadóttir ... [o.fl.] þýddu, staðfærðu og endursömdu. Reykjavík : Mál og menning, 1981, bls. 221

...and so it goes

2006-12-15T13:48:00.000Z

Mandarínur og skreytingar á Laugaveginum, laufabrauðsbakstur og á hverju ári dæsir einhver: við erum bara orðin svo MÖRG en litla fólkið verður stórt og eignast sjálft lítið fólk, jólakort streyma inn um lúguna og einstaka er stílað á heimasætuna, föndur og piparkökubakstur og hinar smákökurnar sem skipta ekki máli því piparkökurnar eru bestar, í skólanum búnar til jólasveinahúfur úr rauðum kreppappír í sex ára bekk sjö ára bekk og öllum bekkjunum en þykja ekki kúl í tólf ára bekk því þá er fólk orðið fullorðið (en finnst samt gaman að dansa í kringum jólatréið í íþróttahúsinu), afmæli í Hákoti, menntaskólapæjur eignast kærasta og kærustur, flytja að heiman, verða mömmur, trúlofaðast, flytja til útlanda og aftur heim, og gefa alltaf leynijólagjöf, segðu mér hvern þú dróst nei annars ég vil ekki vita, skreyta húsið á Þorláksmessu en tréið á aðfangadag, koma hundrað ára gömlu seríunni í lag, keyra út pakka, lakkskór og hvítir sporsokkar upp að hnjám, kveikja á kertunum í gyðingastjakanum, rjúpan er vond en meðlætið gott og aldrei fær bróðirinn möndluna, machintosh konfekt, pakkar og pakkar og

búið.

Enginn getur leikið því allir eru í jólaboðum. Dagarnir líða sírópshægt.

Að elska, hata og sakna

2006-12-14T11:07:00.000Z

Eins og svo milljón sinnum áður er ég að hugsa um svolítið sem gerðist fyrir löngu. Kannski ekki langa löngu, meira svona fyrir mánuði síðan.
Það er ekki óalgengt fyrir mig að vera með hálfan hugann í fortíðinni og hinn helmingurinn af huganum sokkinn í framtíðardrauma eða áhyggjur. Þriðji helmingurinn er svo upptekinn við að búa til sögur til að skemmta mér, þannig að ég er ekki viðstödd raunveruleikann, hérann og núið, nema að mjög litlu leyti.

En à la vega.
Fyrir svolitlu síðan var ég, glöð og reif, í vinnunni minni; viðburðalítill dagur með einstaka heimsókn námsfúsra vina og kunningja.
Allt í einu sé ég hana litla og sívalningslag í kápunni sinni stika á móti mér eins og þrumuský í framan, og án nokurra málalenginga hellti hún sér yfir mig, öskuill.
Í fyrsta lagi byrjaði hún á öfugum enda þannig að ástæða reiði hennar var vægast sagt óskýr, í öðru lagi var þetta ekkert sem gat hugsanlega verið mér að kenna, og í þriðja lagi kom í ljós að þetta var engum starfsmanni að kenna heldur henni sjálfri. Þegar hún svo stikaði í burtu (ég vil meina að ég hafi séð glitta í hófa og horn) eftir að hafa næstum því grætt mig* varð ég, eins og maður segir á góðri íslensku, hel pissed. Upp í hugann á mér ultu öll þau orð sem ég hef forðast að nota í lengri tíma, öll þessi ljótu kvenniðurlægjandi orð. Ég tvinnaði þau saman í eina allsherjarformælingu: Helvítisdjöfulsinsanskotans m***u-h**u-b***u-t***u-t*k !!!
Ólgandi af réttlátri reiði var ekki nóg að hugsa "sumt fólk..." eða jafnvel muldra "bjánakona".
Nei, ég greip til ljótustu orðanna sem ég kann, til að hefna mín á einhvern hátt. Orð hafa mátt, og formælingar þess vegna líka.

Þrátt fyrir (óvænt og allsekki foreldrum mínum að kenna) kristið uppeldi get ég vel sagt fokk í kirkju án þess að missa svefn, því á þessum tíu-fimmtán árum síðan ég hætti að trúa hef ég náð að afhelga kirkjur í huganum mínum. Ekki þannig að ég fari gagngert þangað inn til að bölva og ragna eins og versti sjóræningi, en einstaka "fokksjitt hvað þetta er fallegt" hefur sloppið út úr mér í kirkju.
Hins vegar segi ég aldrei: Ég hata þig. Ekki einu sinni í góðu gríni, því þetta orð er of sterkt fyrir mér. Að hata er líka spegilmynd þess að elska, sem er annað sterkt orð sem að ég kannski forðast ekki að nota eins og hata, en gæti aldrei slengt því um eins og ameríkaninn, "luv u!". Orð geta gengisfallið, að elska yrði þá þreytt og þvælt eins og stakur vettlingur í óskilamunum.
Á sama hátt og orð geta gengisfallið er hægt að taka bitið úr orðum, eigna sér ljót orð og segja: "jú þú ert skrímsli, en nú ertu skrímslið mitt og getur þess vegna ekki bitið neinn." Þetta á við um orð eins og fag, dyke og queer sem samkynhneigðir tóku sér, þessu stóðu femínistarnir frammi fyrir þegar þeir stofnuðu Femínistafélagið. Áttu þeir að beygja sig undir ríkjandi orðræðu sem hlóð orðið neikvæðum merkingaraukum eða taka sér valdið til að breyta orðinu í sínar hendur?
En sömu lög gilda ekki fyrir öll orð og alla menn.
Einu sinni var ég í ákveðnum framhaldsskóla að kynna samkynhneigð (Gay! is it the lifestyle for you?). Einn nemandanna spurði okkur fjögur í hvaða menntaskóla við værum eða hefðum verið, og í ljós kom að við vorum/höfðum öll verið í MH. Þá datt út úr mér:"jah MH er greinilega útungunarstöð fyrir kynvillinga!" en um leið og ég hafði sleppt orðinu var mér litið yfir felmtruð andlitin og bætti snögglega við "ég má segja svona því ég er einn af þeim. Þið megið það ekki!". Í mínu daglega lífi nota ég nefnilega kynvillingur, finnst það jafnvel krúttlegt. En hvað gerist þegar vinir mínir sem tala um kynvillinga við mig fara út í hinn stóra heim og nota orðið þar?
Að sakna er það þriðja í hinni heilögu orðaþrenningu. Ólíkt hinum tveimur nota ég þetta orð óspart, en ég myndi aldrei aldrei aldrei segja það ef ég saknaði ekki í raun.

*ókei ekkert næstum því. En ekkert mikið

see, food.

2006-12-13T11:19:00.000Z

Það var sjávarréttarísottó í matinn í vinnunni og þá flugu mér í hug línur úr ljóðinu Hlaupastelpan eftir Kristínu Ómars:

"Munnur minn er kræklingur
Skaut mitt á bragðið eins og rækja
Brjóstin hvít og mjúk
eins og gellur"

-Í húsinu okkar er þoka (1987)-

Rísottóið bragðaðist alveg hreint ágætlega.

Með jólalögum skal land byggja

2006-12-07T08:51:00.000Z

Ég hlusta ekki mikið á útvarp, en um daginn var ég á bíl í nokkra daga. Eins og vant er hlustaði ég á útvarpið í bílnum. Nú veit ég ekki hvort að það er langt síðan þeir byrjuðu að spila jólalög, en þau voru það eina sem ég heyrði.
Í fyrsta lagi á ég erfitt með að höndla stóran skammt af jólalögum svona snemma á aðventunni, þegar ég er ekki búin mynda þol gegn þeim; í öðru lagi er eins og útvarpsyfirvöld finni sig knúin að spila öll skrattans lög sem nokkurn tímann hafa komið út og skilgreint sig sem jólalög. Og þau eru sko ekki öll góð, ó nei!
Ef að ég væri tónlistarkona myndi ég að minnsta kosti vera nógu klók til að æla út úr mér einum jólaviðbjóð, bara svona til að fá smá stefgjöld.
Þar sem maginn í mér snérist hring eftir hring af bjánahrolli varð mér
hugsað til minna jólalaga, lögin sem ég hlusta á meðan ég borða
mandarínur, piparkökur og jólastafi. Sem ég búgía við meðan ég skreyti um
miðja nótt. Sem ég kemst í jólaskap af.

Holidays are coming
Sungið í dúett með der Bruder, verður að vera sungið með brjálæðisglampa í
augum og röddin blandin manískum ótta:
"Holidays are coming! Holidays are coming! 'Tis the season, Watch out!!!
Look around!!! Coca cola is coming to town
TRA LA LA LA LA LA LA LA!!!!!!!!!!!
Tis the season it's always the real thing (always coca cola)"

Grandma got run over by a raindeer.
Það er ekki hægt að undirstrika nógu rækilega hversu hættuleg hreindýr eru.
"When we found her Christmas morning,
at the scene of the attack,
she had hoof-prints on her forehead,
and incriminating Claus marks on her back."

Fairy tale of New York
Hvernig er ekki hægt að elska últra fallegt jólalag þar sem er sungið:
"You're a bum, You're a punk, You're an old slut on junk,
lying there almost dead on a drip in that bed.
You scumbag, You maggot, You cheap lousy faggot,
Happy Christmas your arse, I pray God it's our last."

Mary's Boychild
Boney M.
Nú þekki ég persónulega Boney M hatara, en þetta lag minnir mig alltaf á þá tíma sem að ég gekk í skræpóttum peysum, með tíkó, og komst upp með að föndra jólagjafir úr trölladegi. Svo spillir myndbandið ekki fyrir, þrjár konur í hvítum kápum og einn mjór kall í sóðalega þröngum hvítum buxum og með stærsta afró í heimi.

Christmas with the devil.
Spinal tap.
Því að stundum þarf maður að rokka, já líka um jólin.
"The elves are dressed in leather and the angels are in chains, Christmas
with the devil" (oooog luftgítar)

Ti amo (ég elska þig)
Lena Ka og Umberto Tozzi.
Hálffranskt hálfítalskt, tók ástfóstri við þetta lag jólin sem ég var í Frakklandi, en það er samt tæknilega ekki jólalag, ekki fyrir öðrum en mér. En ofboðslega fallegt.

Mín jól.
Jólaplata Hraun 2005.
Lagið sem ég hlustaði á frá því ég fékk diskinn í hendurnar á aðfangadag þangað til á þrettándanum en eftir það er bannað að hlusta á jólalög.

Stop the Cavalry
Jona Lewie.
Já það er erfitt að vera í stríði, sérstaklega um jólin þegar stúlkan manns bíður heima, og þá spyr maður: "Herra Churchill, geturðu ekki stöðvað riddaraliðið?"

Christmas song
The Chipmunks (Simon, Theodore og Alvin).
Ókei, þetta eru íkornar sem syngja með helíumrödd. En afhverju var mér bannað af familíunni á fjórða degi að spila þetta á repeat?

Santa baby
Madonna.
Af því það er eitthvað svo óþægt.

Mele Kalikimaka
Bing Crosby
Mele kalikimaka þýðir gleðileg jól á havaísku. Mig dreymir um að halda einhvern tímann jól á Havai. Svo er þetta lag líka í bestu jólamyndinni, National Lampoon's Christmas Vacation.

It´s beginning to look a lot like Christmas
Johnny Mathis
Af því að einhvern daginn mun ég skauta um hjá Rockefeller Center jólatrénu, með flaksandi trefil, rjóðar kinnar og ástfangin. Einhver svona næntísfiftís stemming í því, og þetta lag er í Home Alone 2-Lost in New York, annarri góðri jólamynd (þrátt fyrir að vera sequel).

Öll tónlistin úr South Park jólaþættinum.
Howdy ho! Hr. Hanky Jólakúkurinn, Cartman að stynja Ó helga nótt, Hr. Garrison með mest ópólitískt rétt jólalag í heimi og Kyle að syngja um það hvað það sé erfitt að vera gyðingur um jólin. Which brings us to:

The Hanukkah Song
Adam Sandler
Syngur um að ljósahátíðin sé nú líka nokkuð kúl.

River
Robert Downey Jr.
Yndislegt, melankólískt lag sungið af framtíðar eiginmanni mínum (ég má það víst! kynhneigð er fljótandi eða eitthvað svoleiðis).
"But it don't snow here
It stays pretty green
I'm going to make a lot of money
Then I'm going to quit this crazy scene
Oh I wish I had a river
I could skate away on."

Do they know it's Christmas?
Band aid
Lag sem var gefið út árið 1984 til hjálpar Eíópíubúum sem áttu um sárt að binda vegna hungursneyðar. Með poppelítu níunda áratugarins, þar á meðal Bananarama, Bob Geldof, Culture Club, David Bowie, Duran Duran, Eurythmics, Frankie Goes to Hollywood, Human League, Kool and the Gang, Paul McCartney, Phil Collins, Spandau Ballet, Sting, U2, Wham!
Og svo af því ég er viðbjóðslega væmin og grenja auðveldlega:
"There's a world outside your window
And it's a world of dread and fear
Where the only water flowing
Is the bitter sting of tears
And the Christmas bells that ring
There are the clanging chimes of doom
Well tonight thank God it's them instead of you"
Snökti snökt og við erum svo lánsöm 'n shit.

Drummer boy
Með hverjum sem er, nokkurn veginn.

Haukur Mortens.
Öll jólalögin. Hann minnir mig á öll afmæli B. Hakama í Hákoti, frá sex og upp í tuttugu og eitthvað ára, þar sem alltaf var gengið í kringum skorsteininn við göngum við í kringum einiberjarunn og fleiri klassíkera. Og lítil kassetta með honum (plús nóakonfekt og malt og appelsín) gerði frönsku jólin mín og Núrgis smá íslensk.

Sjáumst aftur
Páll Óskar. Enn á ný, kannski ekki jólalag en svooo fallegt:
"Ég var einn og yfirgefinn,
leið hvorki vel né illa
leið eins og lífið væri tómt
svo komst þú eins og engill
hingað til mín
og kenndir mér að öðlast skarpari sýn
sú kemur tíð er varir okkar mætast
einmanaleikann sigrað ég hef
nú veit ég hvað ástin er."
Kertaljós, piparkökur og fólk sem manni þykir vænt um.

Og lengri verður listinn ekki í bili, en ég finn lögin sem ég er að gleyma
kitla mig aftast í heilanum.

Aha!

2006-12-07T00:41:00.000Z

"When Lacan came along, for instance, and said that the subject is produced on the condition of forclosure, he meant, quite clearly, that there would always be a lack of self-understanding for any subject; that there would be no way to recover one's origins or to understand oneself fully..."

La confession

2006-12-04T14:54:00.000Z

Lagið sem ég hef hlustað á á minn þráhyggna hátt undanfarna daga.

Je n’ai pas peur
De dire que je t’ai trahi
Par pure paresse
Par pure mélancolie
Qu’entre toi
Et le diable
J’ai choisi le plus
Confortable
Mais tout cela
N’est pas pourquoi
Je me sens coupable
Mon cher ami

Je n’ai pas peur de dire
Que tu me fais peur
Avec ton espoir
Et ton grand sens
De l’honneur
Tu me donnes envie
De tout détruire
De t’arracher
Le beau sourire
Et même ça
N’est pas pourquoi
Je me sens coupable
C’est ça le pire

Je me sens coupable
Parce que j’ai l’habitude
C’est la seule chose
Que je peux faire
Avec une certaine
Certitude
C’est rassurant
De penser
Que je suis sûre
De ne pas me tromper
Quand il s’agit
De la question
De ma grande culpabilité

Je n’ai pas peur
De dire que j’ai triché
J’ai mis le plus pur
De mes pensées
Sur le marché
J’ai envie de laisser tomber
Toute cette idée
De « vérité »
Je garderais
Pour me guider
Plaisir et culpabilité

2006-12-03T12:59:00.000Z

í hlírabol, langermabol, peysu og lopapeysu lá ég undir flísteppi, ullarteppi og dúnsæng og skalf þannig að rúmið hristist allt. Varirnar bláar og ég var hrædd um að tennurnar myndu brotna því að þær glömruðu svo mikið. Foreldrarnir í útlöndum, Slaugurinn í Edinborg - Ég leit á kisu og sagði: "þú verður eina vitnið að dauða mínum". Hún svaraði: "mjá" og skallaði mig. En svo dó ég ekki.

Enn frá Edinborg

2006-12-02T17:07:00.000Z

A Close:

Narrow, pedestrian lane found in urban areas which usually run between or behind buildings. In older cities and towns in Europe, alleys are often what is left of a medieval street network.

Jíha, blysganga!

2006-11-30T09:00:00.000Z

Allir að koma í blysgöngu á föstudaginn (1. des.) til minningar um alla þá sem látist hafa af völdum alnæmis. Safnast verður saman við gatnamót Laugavegar og Skólavörðustígs (í portinu hjá samtökunum 78) og hefst gangan stundvíslega kl 20:00 og gengið fylktu liði að Fríkirkjuni í Reykjavík og tendrað á kertum.
Gangan verður sýnd beint á Stöð 2.

Það er mega að vera meðvitaður, sé þig í göngunni !

Latibær Smatibær

2006-11-30T00:29:00.000Z

Ég hafði ekkert á móti Latabæ þegar fyrsta bókin kom út. Mig minnir að ég hafi hugsað: "Maggi Schev að skrifa bók? Tjah allt er nú til..." Mér leiddist að lesa þær fyrir frændsystkyni mín, en mér leiddist líka margar aðrar bækur sem þau dýrkuðu, og gerði mér grein fyrir því að smekkur okkar á bókmenntum væri kannski ekki endilega sá sami (mögulega vegna tuttugu ára aldursmunar). Svo kom söngleikurinn og hann truflaði mig ekku úr hófi. Eftir það fór þetta fyrirbæri að vekja með mér nokkurn ugg, ekki vegna grundvallar boðskaparins (borðið grænmeti, leikið ykkur úti etc.) heldur vegna þess hve stór iðnaður þetta varð, hvernig skrímslið hætti aldrei að stækka. Heilaþvottur varð orð sem ég tengdi við Latabæ, og það læddist að mérsá grunur að M. Scheving væri Mídas nútímans.
Svo um daginn las ég frábæra grein eftir Dagnýju Kristjánsdóttur í TMM þar sem hún kemur í orð mörgum af þessum óljósu tilfinningum sem ég hef haft. Hún gagnrýnir Latabæ (bækurnar, þættina og allt heila fyrirtækið) út frá fagurfræðilegum forsendum og í menningarfræðilegu samhengi. Mæli með þessari grein. Í greininni vitnar hún líka í snilldar gagnrýni.
Maggi lét sér fátt finnast um grein Dagnýjar og sagði: "Án þess að vita neitt um það efast ég um að hún (greinarhöfundur) eigi börn. Það skiptir töluverðu máli þegar maður eignast börn, þá hugsar maður öðruvísi". (Frbl. 26.11) Aha...
Þessu svarar Dagný með massa töffaðri grein i Fréttablaðinu 29. nóvember.
Ah, akademískar erjur...good times :)

ps. kíkið líka á þetta. Collect the sports candy my ass...

28. Nóvember

2006-11-28T08:41:00.000Z

Í dag fyllir sitt 24. ár fröken Áslaug.
Áslaug er ung í fasi þrátt fyrir háan aldur og störf sín vinnur hún af dugnaði og elju, en jafnframt af hæversku. Hún er þekkt fyrir prúðmennsku og drengskap og engan hefi ég fyrir hitt sem ekki minnist hennar með hlýju. Kímni hennar er rómuð um jarðir allar og fræg er hún fyrir sín hnyttinu tilsvör, en þelhlýja hennar og samúð gjörir öllum ljúft að vera í nálægð hennar. Ljósir lokkarnir og tindrandi augun hafa vakið aðdáun margs ungs mannsins.
Hún er prýði íslenzkra kvenna,
þrefalt húrra fyrir Áslaugu:

húrra!

húrra!

húrra!

osussu

2006-11-26T22:08:00.000Z

Uppgötvaði skyndilega að það sést inn um gluggana hjá mér. Ætti að hætta að ganga um nakin.

Blendnar tilfinningar...

2006-11-24T16:30:00.000Z

eru skrítnar.
Sérstaklega svona blendningstilfinningar sem eru hvorki svart né hvítt, hvorki reiði, gleði né sorg. Ég hef oft talað um fýlu sem ástand sem myndast þegar manneskju líður eins og á henni hafi verið brotið, hún er reið eða ósátt en finnst hún á sama tíma ekki hafa tilkall til þess að láta í ljós reiðina.
Svona eins og þegar vinkonur manns gleyma að láta mann vita að þær eru að fara í sund og mann langaði rosa mikið í sund. Maður veit að það var óviljandi og maður má ekki grenja og vera fimm ára. Og þá fer maður í fýlu. "Er ekki allt í læ?" spyrja þær; "jújú", svarar maður snúðuglega og snýr upp á nefið.
Schadenfreude er þegar maður gleðst yfir óförum annara. En þegar maður blandar saman schadenfreude (hvað var aftur íslenska orðið?) og meðaumkun, það er fyndin tilfinning. Til dæmis þegar maður vill ekki að einhver sem manni þyki vænt um gangi of vel, kannski af því að maður óttast samanburð við sjálfa sig. Á sama tíma er þetta manneskja sem maður vill sjá hamingjusama.
Glaðvær angurværni er svona þægilegt melankólískt ástand, maður er meðvitaður um tilgangsleysi tilverunnar en er bara ekkert að stressa sig yfir því. Og svo þessi skemmtilega tilfinning: Samviskubit í bland við ofsareiði. Út í sömu manneskjuna. Blandast eins vel og mjólk og appelsínusafi.

Ég að drekka risa eggnog latté

2006-11-24T14:54:00.000Z

Starbucks sístemið virkar svona: Tall er lítill, sem er samt passlegur, vente er miðstærð sem er hressilega mikið og grande getur maður notað sem sundlaug.